Psixologiya” fakulteti “ ” kafedrasi “ ” fanidan kurs ishi mavzu: “Koronavirus pandemeyasi va jahon moliyaviy-iqtisodiy holati hozirgi sharoitda davlatning tashqi iqtisodiy holati” bajardi: qabul qildi

Mundarija:

K I R I S H 4
I-BOB COVID 19 davrida O’zbekiston iqtisodiyotidagi o’zgarishlar 5
1.1. COVID-19 ning O’zbekiston iqtisodiyotiga tasiri 5
1.2. O’zbekistonda COVID 19 tarqalishining oldini olishga qaratilgan chora-tadbirlar 18
II-BOB Pandemiyaning jahon iqtisodiyotiga ta’siri 20
2.1 Koronavirus pandemiyasining global iqtisodiyotga ta’siri 20
Koronavirus pandemiyasigacha bo‘lgan davrdagi iqtisodiy rivojlanish 28
Iqtisodiy o‘sish sur’atlari dinamikasi 29
Koronavirus pandemiyasining global iqtisodiyotga va O‘zbekistonning iqtisodiy hamkor mamlakatlariga salbiy ta’siri 31
Kornovirus pandemiyasi tugagandan so‘ng iqtisodiy tiklanish va rivojlanish 33
2.2. Pandemiyada o’tirmagan Shvetsiyaning koronavirusga qarshi strategiyasi 39
Xulosa 44
Foydalanilgan adabiyotlar 50

K I R I S H

Kurs ishining dolzarbligi:Bugungi kunga kelib, butun dunyoda koronavirus bilan zararlangan aholi soni 500 mingdan oshdi, ularning to‘rtdan bir qismi sog‘aygan bemorlar qatorida, 23 mingdan ortiq o‘lim holatlari qayd etilgan. So‘nggi bir hafta-o‘n kun davomida jahonda ushbu virusga chalinganlar soni kuniga 30-50 ming nafar kishiga oshmoqda. Dunyoning ko‘plab mamlakatlarida favqulodda vaziyat va karantin tartibi joriy qilingan, ularning soni kun sayin o‘sib bormoqda. Davlatlararo fuqarolar harakatlanishini cheklanishi, ta’lim, savdo va umumiy ovqatlanish sohalarida karantin holatining joriy qilinishi hamda iqtisodiyotning boshqa tarmoqlarida ham korxonalarning qisman karantin holatida faoliyat yuritishi koronavirusning jahon iqtisodiyotiga ta’sirini kuchaytirmoqda.
Kuni kecha dunyoning yetakchi tahliliy kompaniyalaridan biri FocusEconomics koronavirusning jahon iqtisodiyotiga ta’siri va uning moliyaviy oqibatlari bo‘yicha ekspertlar orasida o‘tkazilgan navbatdagi so‘rov natijalarini e’lon qildi. Mazkur so‘rovnomada butun dunyo bo‘ylab 71 ta yetakchi iqtisodchi va moliyaviy tahlilchilar ishtirok etgan. Bu so‘rovnoma joriy yilning 25 fevralidan boshlab o‘tkazib kelinmoqda. 25 mart kuni e’lon qilingan ma’lumotlarga ko‘ra, avvalgi so‘rov natijalariga nisbatan, iqtisodchilar global iqtisodiy prognozlarini yanada pasaytirishgan va jahon iqtisodiyoti tiklanishini sekin sur’atlarda bo‘lishini kutmoqdalar: ekspertlar COVID-19 pandemiyasining global iqtisodiyotga ta’siri bundan bir hafta oldin taxmin qilinganidan ham og‘irroq bo‘lishini ta’kidlashgan. 71 ta ekspertning 58 foizi 2020 yilda global YaIMning o‘sishini 2 foizli punkt va undan ko‘proq miqdorda kamayishini, ularning to‘rtdan bir qismi esa bu ko‘rsatkichni 3 foizli punktdan ko‘proq miqdorda kamayishini prognoz qilishmoqda. So‘rovda ishtirok etgan iqtisodchilarning yarmidan ko‘pi (56%) koronavirusning jahon iqtisodiyotiga 2020 yildan keyin ham ta’siri bo‘lishi taxmin qilishmoqda. so‘rovda qatnashgan ekspertlarning barchasi kelgusi 12 oy ichida jahon iqtisodiyotida retsessiyani deyarli muqarrar deb baholadi.