Pul va banklar” fanidan

20.1-jadval.
XVFning O’zbekistondagi texnik ko’maklashish missiyasi¹⁹⁶

STA	Milliy hisob-varaqlar, narxlar va hisob-varaqlar balansi statistikasi	May 2007
LEG	AML/CFT	Yanvar, Mart/Aprel 2009
FAD	Davlat byudjeti boshqaruvi	Fevral 2010
FAD	Inspektsiya	Iyun 2007, Oktyabr 2008, Noyabr/Dekabr 2009, Iyun, Sentyabr 2011
STA	Pul-kredit va moliya statistikasi	Fevral 2011
MCM	Bank nazorati	May/Aprel, Oktyabr 2012, Fevral 2013
STA	Umumiy ma’lumotlarni ommalashtirish tizimi	Mart 2013
STA	Pul-kredit va moliya statistikasi	May 2013
FAD	Soliq muassasasi	Mart, Oktyabr 2013
STA	Davlat moliya statistikasi	Sentyabr/Oktyabr 2013
MCM	Tijorat banklardagi korporativ boshqaruv	Aprel/May 2014

O’zbekiston Respublikasi va Jahon banki o’rtasidagi hamkorlik
1992 yil sentyabr oyida O’zbekiston Respublikasi Jahon bankiga to’la huquqli a’zo bo’ldi. 
O’zbekiston Respublikasi Ozerbayjon, Qozog’iston, Qirg’iziston, Polsha, Serbiya, Shveytsariya, Tojikiston hamda Turkmaniston davlatlari bilan bir qatorda Jahon bankining Shveytsariya a’zo-mamlakatlar guruhiga kiradi.
Jahon bankining O’zbekiston Respublikasidagi vakolatxonasi O’zbekiston Respublikasi Iqtisodiyot vazirligidir.
1992 yil sentyabr oyida Toshkentda Jahon bankining vakolatxonasi ochildi.
2014 yil dekabrdan boshlab vakolatxonaga Junxun Cho rahbarlik qilib kelmoqda.


20.2-jadval.
Jahon banki tuzilmasidagi aktsiyalar va ovozlar soni¹⁹⁷

Tashkilot	A’zo bo’lgan sana	Aktsiyalar soni	Ovozlar soni
XTTB	1992 yil 21 sentyabr	249,3 mln.dollar (0,12%.)	3149 (0,14%)
XMK	1993 yil 30 sentyabr	3,873 ming. dollar (0,15%)	4693 (0,17%)
XTA	1992 yil 24 sentyabr		73 936 (0,29%)
KIKA	1993 yil 4 sentyabr		401 (0,18%)

O’zbekistonning Jahon banki bilan hamkorligi «Davlatga ko’maklashuv strategiyasi» hujjatida aks etgan yondashuvlarga asoslangan. Har uch yilda ishlab chiqiladigan strategiyada mamlakat iqtisodiy rivojlanishining ustuvor yo’nalishlari, mamlakat iqtisodiyotining samaradorlik ko’rsatkichlari va Jahon banki tomonidan kreditlash, tahlil, texnik ko’mak berishning ustuvor yo’nalishlari belgilab olinadi.
O’zbekiston Respublikasi va Jahon bankining 2016-2020 yillardagi hamkorlik strategiyasi umumiy qiymati 5,78 mlrd. AQSh dollarga teng bo’lgan 31 ta investitsion loyiha amalga oshirilishini ko’za tutgan, jumladan Jahon banki tomonidan beriladigan kredit miqdori 3,5 mlrd. AQSh dollariga teng bo’lib, shundan elektroenergetikani modernizatsiyalash va sanoat korxonalarining energiya samaradorligini oshirishga (1668 mln. dollar), transport infratuzilmasini (457 mln. AQSh dollar) va sug’orish va kollektor-drenaj tarmoqlarini modernizatsiyalashga (211 mln. AQSh dollar), kommunal infratuzilmani rivojlantirishga (507 mln. AQSh dollar), neft va gaz sanoatini rivojlantirishga (225 mln. AQSh dollar), ta’lim va sog’liqni saqlash sohalarini rivojlantirishga (95 mln. AQSh dollar), axborot-kommunikatsiya texnologiyalarini rivojlantirishga (20 mln. AQSh dollar) va tijorat banklariga (320 mln. AQSh dollar) kredit liniyalarini ajratish rejalashtirilgan.