Befarqlik kartasi
Befarqlik egri chiziqlari kesishmaydi. Buni isbotlash uchun M nuqtada kesishgan I1 va I2 befarqlik egri chiziqlari ifodalangan 4-chizmani keltiramiz.
4-chizma. Befarqlik egri chiziqlari kesishmasligining isbotlanishi
M va R nuqtalari I1 egri chizig‘ida joylashganligi uchun iste’molchi ularning birortasini afzal ko‘ra olmaydi. M va X nuqtalari I2 egri chizig‘ida joylashganligi uchun iste’molchi bularga ham bir xil munosabatda yondoshadi. Natijada iste’molchi R va X to‘plamlariga ham befarq bo‘lishi lozim. Biroq, amalda bunday bo‘lishi mumkin emas, chunki R to‘plami o‘z tarkibiga ko‘proq A va V
tovarlarni olgani uchun X to‘plamiga nisbatan afzalroq hisoblanadi.
Ehtiyojlarning har bir darajasiga ko‘ra cheksiz befarqlik egri chizig‘i mavjud bo‘lishi mumkin. Biz sodda ko‘rinishda faqat 3ta egri chiziqni ifodaladik. Bu 3ta egri chiziq tovarlar to‘plamining ranjirovkasi (tartibini) ta’minlaydi. Ranjirlash to‘plamlarni eng yuqori darajadagi afzalidan eng kam afzallikka ega bo‘lgani tomon tartibda qo‘yib chiqadi. Biroq, bu tartib bir to‘plamning boshqa biridan nechog‘liq afzalligini ko‘rsatib bera olmaydi.
Do'stlaringiz bilan baham: | 
