Qadimgi rim tarixiga kirish

QADIMGI RIM TARIXINI DAVRLASHTIRISH
Rim tarixi uning taraqqiyotini belgilovchi tarixiy jarayonlarga ko‘ra 6 davrga bo‘linadi:
1.Podsho Rimi (er. avv. VIII-VII asrlar). Bu vaqtda urug‘ qabila munosabatlari, tuzilmalari yemiriladi, ilk sinfiy jamiyat paydo bo‘ladi va Rimning bo‘Iajak siyosiy, ijtimoiy-iqtisodiy taraqqiyotida asos bo‘lib xizmat qilgan ilk davlat muassasalari shakllanadi;
2.Ilk respublika davri (er. avv.V-III asrlar). U Italiyada quldorlik jamiyati va davlatining intensiv taraqqiyoti bilan belgilanadi.
3.So‘nggi respublika davri (er.avv.II-I asrlar). Bu vaqtda klassik qulchilik shakllanadigan Rim 0‘rtayer dengizi davlati tashkil topadi.
4.Ilk imperiya yoki prinsipat (eramizning I—II asrlari). Bu davr Rim imperiyasining oltin davri, 0‘rtayer dengizi antik sivilizatsiyasining gullab-yashnashi, iqdisodiyot va madaniyatning o‘sishi bilan belgilanadi.
5.Umumiy tushkunlik - Rim imperiyasining yemirilish xavfi (eramizning III asri). Bu davrda Rim jamiyatining barcha tuzilmalarida kuchli tushkunlik belgilari yaqqol ko'rinadi va Rim davlatchiligining halokati xavfi tug‘iladi.
6.So'nggi Rim imperiyasi yoki Dominat (eramizning IV-V asrlari). Bu davr quldorlik jamiyatining yemirilishi, uning bag‘rida feodalizmning ilk belgilarini shakllanishi va g'arbiy Rim imperiyasini qulashi bilan belgilanadi.
Italiyaning qadimgi xalqlaridan biri etrusklar mil. avv. I mingyillikni ikkinchi choragidan yashay boshlagan
ETRUSKLAR
Italiyaning qadimgi xalqlari orasida mil. avv. I mingyillikni ikkinchi choragida yashagan etrusklar alohida o‘rin tutadi. 0‘sha vaqtda ligur, italik va illiriyalik ibtidoiy jamoa tuzumida yashayotgan vaqtda etrusklar mintaqada dastlabki davlatchilik an’analariga asos solgan xalqlardan biri sanaladi. Latinlar ularni etrusklar yoki tusklar, yunonlar- tirrenlar voki tersenlar deb atadilar.Qadimdan ular janubda Kampaniya, shimolda Padan hududi va hozirgi Toskanada keng joylashgan edilar. Etrusklar to‘g‘risidagi ilk aniq ma’lumotlar