Qaraqalpaq ma’mleketlik universiteti berdaq atindag'i qaraqalpaq ma’mleketlik universiteti bas binasi aldinda o’tkeriletug'in «HA’r ku’nimiz nawriz bolsin»

QARAQALPAQ MA’MLEKETLIK UNIVERSITETI
BERDAQ ATINDAG'I QARAQALPAQ MA’MLEKETLIK UNIVERSITETI BAS BINASI ALDINDA O’TKERILETUG'IN «HA’R KU’NIMIZ NAWRIZ BOLSIN» ATAMASINDAG'I ULIWMA XALIQLIQ NAWRIZ BAYRAMINA BAG'ISHLANG'AN TEATRLASTIRILG'AN HAM A’DEBIY MUZIKALI XOREOGRAFIYALIQ BAYRAM TAMASHASININ’
SSENARIYI


Ssenariy avtori: A. Zayirov


Nѳkis - 2023
Berdaq atindag'i Qaraqalpaq ma’mleketlik universiteti jetkilikli binasi aldinda o’tkeriletug'in «Ha’r ku’nimiz nawriz bolsin»atamasindag'i Uliwma Xaliqliq Nawriz bayramına baǵıshlang'an teatrlastirilg'an ha’m a’debiy namalı xoreografiyaliq bayram tamashasinin’
Ssenariyi

QMU Bas binasi ____mart 2022 jil

Saat _____

Stsenariy jobasi

1. Saxnanin’ bezeliwi;
2. Bayramnin’ saltanliq bo’limi;
3. Rektor qutliqlawi;
4. Baqsi-jirawlar bo’limi
5. Balalar bo’limi;
6. Opera bo’limi;
7. Xaliqlar doslig'i bo’limi;
8. Sport bo’limi
9. Ha’zilkeshler bo’limi
10. Estrada atqariwshilarinin’ bo’limi;
11. Juwmaqlao'shi bөlim. (final)

1. Saxnanin’ bezeliwi
Jil sayin ba’rshemiz asig'isliq penen ku’tetug'in, jasariw ha’m jan’alaniw nishani a’ziz a’yyam Nawriz bayramı biyil da g'a’rezsiz diyarimizg'a qutli qa’dem basti.
Nawriz – a’zelden ta’biyattin’ oyaniwi, shig'istin’ jan’a jil basi, ruwxiy du’nyamizdin’ ajiralmas bo’legi sipatinda en’ a’yyemgi, en’ qa’dirli milliy bayramlarimizdin’ biri. Qutli diyarimiz boylap nawriz na’pesi gezbekte. Qis lipasin sheshken áne ta’biyatimiz o’z go’zzalig'in ko’rsetpekshi bolg’aninday ra’n’ba-ren’ tu’rge do’nip jilwa etedi.
Qut-bereket, jaqsiliq, mehir-mu’riwbet, insaniyliq penen ken’peyillik bayramı bolg’an Nawriz kewillerdi quwanishqa ha’m jaqsi u’mitlerge toltirmaqta. Universitet bas binasi bayramg'a baǵıshlap iqsham etip bezeledi. Bas binanin’ alding'i ta’repine ha’r qiyli shaqiriq, dekoratsiyaliq bekekler, plakatlar, bayraqshalar, flajok ha’m sharlar qistiriladi.
Maydannin’ to’rgi ta’repine, tamasha ko’rsetiwshi qosiqshi ha’m oyinshilar ushin u’lken banner tikeytiledi. Saxna dep atalg'an ortaliqta nag'is bezelgen to’seme to’seledi. Oyin aynaytug'in maydannin’ do’gerek a’tirapi, eki qaptali, aldi ta’replerinen ra’n’ba-ren’ bezelgen gu’ller ha’m sharlar qoyiladi ha’m ortag'a mikrofon qoyiladi.
(Saxnada tinishliq hu’kim su’rgen, azdan son’ pu’tkil ju’reklerdi terbetip, kewillerdi tolqitip, fonogrammadan «Ba’ha’r» namasi jan’lap esitiledi, fonda 64 qız-bala gu’llerdi terbetip turadı.