Qaraqalpaq tili pa’ninen. B. Qurbanbaeva

 

69-shi’ni’g’i’w. Tekstti woqi’n’. Ishinen pi’si’qlawi’shti’ tabi’n’. 

 

TO’K TAWI’ 

A’yyem  zamanlarda  da’ryani’n’  ayag’i’nda  bir  xali’q  jasaydi’.  Wolar  usi’  da’ryani’n’ 

suwi’nan  paydalani’p  bali’q  awlap,  diyxanshi’li’q  penen  shug’i’llanadi’  yeken.  Ku’nlerden 

bir  ku’n  da’w  da’ryani’  baylamaqshi’  boladi’.  Da’ryani’n’  ayag’i’nda  jasawshi’  xali’q 

wo’zlerinin’ arasi’nan adam jiberip da’ryani’, baylamawdi’ wo’tinedi. Wolar qansha jali’nsa 

da  da’w  ti’n’lamaydi’.  Sonda  sol  awi’ldi’n’  bir  kempiri  da’wge  wo’zi  baradi’.  Da’wdin’ 

ju’retug’i’n  joli’nda  turi’p  woni’  ku’tedi.  Qarasa  yetegin  topi’raq  penen  tolti’rg’an  da’wdi 

ko’redi. Da’w tusi’nan wo’tip barati’rg’anda kempir: - Balam, topi’raqti’ ne qi’lmaqshi’san’? 

– dep soraydi’. Da’w: - Da’ryani’ baylayman dep juwap qaytaradi’. Sonda kempir: - Duri’s 

qi’lasan’ balam, bayla! Ayaqtag’i’ suw ishpese uw ishsin, bayla! – deydi. Buni’ yesitip da’w: 

-  Sonsha  adamlardi’n’  aytqani’n  ti’n’lamag’anda  senin’  aytqani’n’di’  qi’larmedim.  Al, 

baylamag’ani’m, - dep yetegindegi topi’raqti’ sol jerge to’gip ketedi. Bul topi’raq taw boli’p 

u’yilip yelege shekem saqlani’p qali’pti’. Aqi’lli’ kempir wo’jet da’wdi aqi’l-parasati’ menen 

jen’ip, xalqi’n suwsi’zli’qtan aman saqlap qali’pti’.