Qaraqalpaq tilin oqitiw metodikasi

TALABANIN’ O’Z BETĐNShE JUMISIN QADAG’ALAW HA’M BAHALAW 
1.Ha’r bir pa’n boyınsha talaba o’z betinshe isine basshılıq etiw ju’klemesi professor-
oqıtıwshının’ jeke rejesinin’ sho’lkemlestirilgen metodikalıq bo’liminde esapqa alınadı. 
2.Talabanın’ o’z betinshe jumısına basshılıq etiw kafedrada du’zilgen ha’m fakultet 
ta’repinen tastıyıqlanatug’ın konsultatsiyalar kestesi tiykarında a’melge asırıladı. 
3.Talabanın’ o’z betinshe jumısı boyınsha konsultatsiya saatları topar jurnalında dizmge 
alınıp barıladı. 
4.Talabanın’ o’z betinshe jumısın qadag’alaw, oqıw shınıg’ıwların alıp barıwshı oqıtıwshı 
ta’repinen a’melge asırıladı. 
5.Talabanın’ o’z betinshe jumısı pa’pnin’ jumıs bag’darlamasında ajıratılg’an saatlarg’a 
sa’ykes reyting balları menen bahalanıp, na’tiyjesi pa’n boyınsha talabanın’ reytingine 
kiritiledi. 
Talabanın’ reytin ko’rsetkishleri o’z betinshe jumısı boyınsha, a’stu’rge aylang’an topar 
reytin aynasında ha’m fakultettin’ arnawlı topar elektron tarmag’ında sa’wlelendirilip 
barıladı. 
6.Talabanın’ o’z betinshe jumısı tu’rleri ha’m onı bahalaw kriteriyaları tiyisli kafedra 
ta’repinen belgilenip, fakulttet ilimiy ken’esinde tastıyıqlanadı. O’z betinshe jumıstı bahalaw 
kriteriyaları talabalarg’a oqıw jılı )semestr) baslanıwı aldınan metodikalıq materiallar menen 
birgelikte tarqatıladı. 
7. Talabanın’ o’z betinshe jumısı pa’nler kesiminde talabalar toparlarında, kafedra 
ma’jilislerinde ha’m fakultet ilimiy ken’eslerinde dodalanıp barıladı. 
8. Talabanın’ o’z betinshe jumısı kafedra arxivinde dizimge alınadı ha’m oqıw jılı 
dawamında saqlanadı. O’z betinshe jumıs boyınsha to’mendegi eki sha’rt orınlang’an 
jag’dayda jaqsı na’tiyjege iye bolıwı mu’mkin. 
9. Talabanın’ jumısı barlıq wakıtta oqıtıwshı ta’repinen baqlanıp barılıwı lazım. 
10.Jumıs rejesi talabalarda qızıqsınıw payda etiwi kerek. 
Birinshi jag’dayda talaba o’zinin’ iyelep atırgan bagıtının’ durıslıg’ına isenim payda etedi. 
Onın’ ushın okıtıwshı talaba menen pikirlesip, awızsha ha’m jazba tapsırmalar berip, 
talabanın’ jumısın ku’ndelikli qadag’alap baradı. 
Talabalardın’ o’z betinshe jumısın qadagalap barıwda olardın’ lektsiya ha’m laboratriyalıq
jumıslarınan alg’an bilim, ko’nlikpelerin reytin qadag’alaw jolı menen tekseriwge boladı. 

---