Qashqadaryo viloyati Ura daryosida tarqalgan mollyuska turlari tarkibi va ekalogik omillar ta’siri

“Qashqadaryo viloyati Ura daryosida tarqalgan mollyuska turlari tarkibi va ekalogik omillar ta’siri” mavzusidagi magistrlik dissertatsiya
ANNOTATSIYASI

Tayanch so’zlar: Qashqadaryo viloyati, mollyuska, chig’anoq o’ramlari, Ura daryosi, daryo qirg’oqlari, suv mollyuskalari, urug’, qorinoyoqli mollyuskalar, qarshi kurashish, agrotehnik ishlar.
Tadqiqot ob’yektlari: Qashqadaryo viloyati Ura daryosi va atrofida tarqalgan suv va quruqlik mollyuskalari(Qorinoyoqli-gastropoda mollyuskalar).
Ishning maqsadi: Ura daryosi hamda atrofidagi suv va quruqlik mollyuskalarining turlar tarkibini aniqlash,ularning tabiatdagi va qishloq xo’jaligida tutgan o’rnini o’rganish,foydali turlarini asrab qolish,zararli vakillariga qarshi kurashish chora tadbirlarini ishlab chiqish.
Tadqiqot metodlari: Quruqlik mollyuskalarini o’rganishda Akramovskiy, Lixarev, Remmelmeyer, Shileyko metodlaridan, suv mollyuskalarini o’rganishda Jadin, Akramovskiy, Strabagatov metodlaridan foydalanildi.
Olingan natijalar va ularning yangiligi: Qashqadaryo viloyati Ura daryosi malakafaunasi 12 oila 14 avlodga mansub 28 turi o’rganildi. Ulardan 18 turi quruqlik 10 turi suv qorinoyoqli mollyuskalari hisoblanadi.Ularninig suv havzalari hamda antropogen o’tloqlarda tutgan o’rni o’rganilib kerakli tavsiyalar ishlab chiqarildi.
Amaliy ahamiyati: Tadqiqotlar natijasida ishlab chiqilgan tavsiyalar Ura daryosi atrofida xo’jalik yurituvchilar uchun amaliy qo’llanma bo’lib, uning natijasida dehqonlarimiz yaxshi natijaga erishishi mumkin.
Tatbiq etish darjasi va iqtisodiy samaradorligi: Tadqiqotlar natijasida hudud uchun yangi turlar aniqlanib, hududning bioxilma-xilliki oshdi.Ishlab chiqilgan tavsiyalar asosida issiqxona yurituvchilari hamda chorvachilik xo’jaliklarini iqtisodiy samaradorlikini oshirish.
Qo’llanish sohasi: Chorvachilik, Baliqchilik, Qishloq xo’jaligi.