Qiyaslaw jumislarin alip bariw dáwirligi

O’lshew qurallarin qiyaslawdan o’tkeriwdin’ uliwmaliq qag’iydalari.

Bul qag’iydalar “ Metrologiya haqqinda” g’i O’zbekistan Respublikasi Nizamina muwapiq mámleketlik metrologiya tekseriwi hám qadag’alawi o’tkiziletug’in tarawlarda paydalanilatug’in o’lshew qurallarin qiyaslawdan o’tkeriw tártibin belgileydi.

Bul Qag’iydalar tiyisli basqariwshiliq reglamentlerge binaan ko’rsetiletug’in mámleket xizmetlerine tiykarlanip ámelge asirilatug’in tábiyiy gaz, elektr energiyasi, suw tutiniwin esapqa aliw priborlarin (esaplag’ishlardi) dáwirli qiyaslawdan o’tkeriwge qollanilmaydi (tatbiq etilmaydi).
Mámleketlik metrologiya tekseriwi hám qadag’alawi o’tkiziletug’in tarawda qollanatug’in, O’zbekistan Respublikasi o’lshew qurallari mámleketlik reyestirine kiritilgen o’lshew qurallari qiyaslawdan o’tkeriliwi kerek.
To’mendegi tarawlarda qollanilatug’in o’lshew qurallari qiyaslawdan o’tkeriliwi kerek :
den sawliqti saqlaw, veterinariya, qorshag’an ortaliqti qorg’aw;
materialliq bayliqlardi hám janilg’i – energetika resurslarin esapqa aliw;
saliq, bajixana, sawda-satiq, pochta hám telekommunikaciya;
záhárli, partlawshi hám radioaktiv zatlardi saqlaw, tasiw hámde joq etiw;
uliwmaliq awqatlaniw o’nimlerin islep shig’ariw, realizaciya qiliw hám xizmetler ko’rsetiw;
turg’inlar hám tábiyiy hámde texnogen tu’rdegi ayriqsha jag’daylardan qorg’aw, o’rt qáwipsizligin, suw obektlerinde insanlardin’ qáwipsizligin támiyinlew;
sanaat qáwipsizligin támiynlew;
mámleket qáwipsizligin támiyinlew;
miynet qáwipsizligin hám transport háreketi qáwipsizligin támiynlew;
sertifikatlastirilg’an o’nimnin’ qáwipsizligi hám sapasin aniqlaw;
geodezik, kartografik hám gidrometeorologik jumislardi orinlaw;
o’lshew qurallarin mámleketlik sinawdan, qiyaslawda, kalibrlewden, támirlew hám metrologik attestaciyadan o’tkeriw;
paydali qazilmalardi qazip aliw;
rásmiy sport jarislarin o’tkeriw;
o’nimler hám xizmetler muwapiqlig’in bahalaw boyinsha jumislardi orinlaw;
Oqiw (ko’rsetiw) maqsetleri ushinqollanilatug’in hámde shamalardin’ o’zgeriwin, olardin’ mánislerin bahalamawdan gu’zetiw ushin qollanlilatug’in, idikatorlar tu’rine kiritiletug’in texnikaliq qurallar qiyaslawdan o’tkizilmeydi.
Qiyaslawdi o’tkeriw qag’iydalarinda to’mendegi tiykarg’I tu’sinikler qollaniladi: