Atoqli zullisonayn shoira Dilshodi Barno 50 yildan ortiq muallimalik qilib, qizlarga xat-savod o‘rgatdi, tab’i nazm qizlarga she’riyat ilmidan dars berdi. Dilshod o‘z maktabida yosh qizlarni tarbiyalar, ularga xat-savod o‘rgatar va ularni chuqur bilim egasi qilib chiqarishga intilar edi. Shu bilan birga, yosh iste’dodli qizlarga o‘zbek, tojik mumtoz adabiyoti namoyondalarining asarlarini ham o‘rgatar va ularni nafosat ruhida tarbiyalab, o‘z zamonasining ilg‘or kishilari qilib yetishtirishga harakat qilgan. Uning maktabida 891 nafar qiz tahsil olgan. Shundan to’rtdan bir qismi shoira bo’lib yetishib chiqqan.
|
O‘z maktabida qizlarga boshlang‘ich ta’lim berar ekan, Jahon Otin ularning zehnini o‘stirishga katta ahamiyat beradi. Otin o‘z shogirdlariga savod o‘rgatibgina qolmay, ular orasidan iqtidorli qizlarni tanlab sharq she’riyati bilan tanishtiradi. Qizlarni nazm bo‘stoniga yetaklaydi.
Uvaysiy qizlarda yuksak ma’naviy axloqiy fazilatlarni shakllantirishda o‘zi tomonidan bitilgan chistonlardan keng foydalangan. Tajribali murabbiya o‘zining muammo san’ati orqali shogirdlari zehnini o‘stirishga harakat qilgan.
|
O‘rta Osiyoda qizlar maktabini yaratish ishiga hissa qo‘shgan muallimalar-dan yana biri Anbar otindir. Anbar otin tomonidan qizlar ta’limini rivojlantirishga qo‘shilgan eng munosib hissa – bu alifboning yaratilishidir. Masnaviylar yoki yakka baytlar ko‘rini-shida ifodalangan bu alifbo, nafaqat qizlarni harflarni tez va oson o‘zlashtirishni, balki ularda yuksak axloqiy fazilatlarni shakllantirishga ham xizmat qilgani bilan alohida ahamiyatga molik-dir.
|
