Qo‘qon universiteti Maktabgacha ta’lim yo‘nalishi 3-kurs talabasi

TADQIQOT NATIJASI
“SWOT tahlil” metodi. Metodning maqsadi quyidagilardan iborat: mavjud bo‘lgan nazariy va amaliy bilim, tajribalarni tahlil qilish, taqqoslash natijasida mazkur muammoning yechimini topishga mo‘ljallangan. Bilimlarni mustahkamlash, takrorlash, baholash, mustaqil hamda tanqidiy fikrlash, nostandart tafakkurni shakllantirishga qaratilgan bo‘lib, maktabgacha ta’lim tashkilotlarida “Matematik o‘yinlarni tashkil etish”ning SWOT tahlilini quyidagi jadvalda ko‘rishimiz mumkin (1-jadval).

1-jadval
Matematik o‘yinlarni tashkil etishning SWOT tahlili

S	Matematik o‘yinlarni pedagogik faoliyatda hamda bolalarning ta’limiy jarayonida qo‘llashning kuchli tomonlari.	Bolalarni mantiqiy hamda mustaqil fikrlashga undaydi. Tezkor bo‘lishga chorlaydi. Har xil muammoli vaziyatlardan chiqish. Aqliy qobiliyatlar shakllanishi. Boshqa fanlarni ham yaxshi o‘zlashtiradi. Qiziqishning kuchayishi. Pedagogik faoliyatda mashg‘ulotlar samarali hamda qiziq bo‘lishi. Bolalarning zerikmasligi. Tarbiyachi va bolalar o‘rtasidagi muloqot yaxshilanishi. Tarbiyachi matematik bilimlarni oson tushuntira olishi.
W	Matematik o‘yinlarni pedagogik faoliyatda hamda bolalarning ta’limiy jarayonida qo‘llashning zaif tomonlari.	Bir xil o‘yin takrorlanishidan bolalarning zerikishi. Bolalarning o‘yin jarayoniga qiziqmasligi. Tarbiyachining bolalarni boshqara olmasligi. O‘yinlarning bolalarga murakkablik qilishi.
O	Matematik o‘yinlarning imkoniyatlari.	Axloqiy fazilatlarning shakllanishi. Nutqiy muloqot ko‘nikmalarining rivojlanishi. Ijtimoiy munosabatlarning yaxshilanishi.
T	Matematik o‘yinlarning to‘siqlari	Bolalar asosan o‘yin jarayonida zerikmasligi, mashg‘ulotga o‘yinni moslab tanlay olish murakkab ham, sodda ham bo‘lmasligi kerak.

Bola asta-sekin katta hayotga qadam qo‘yar ekan, u har qadamida matematik ta’limga duch keladi, albatta. Nafaqat maktabgacha ta’lim tashkiloti, balki oilada ham bolaga yoshligidan matematikaga doir nazariy hamda amaliy bilimlar berib borilishi lozim. Boshlang‘ich bilimlar qanchalik mustahkam bo‘lsa, keyingi rivojlanish bosqichlarida bolalar qiyinchiliklarga duch kelmaydi. Yuqoridagi jadvaldan ko‘rinib turibdiki, maktabgacha ta’lim tashkilotlarida elementar matematik tasavvurlarni shakllantirishda matematik o‘yinlarni qo‘llash tarbiyalanuvchilarning ta’limiy jarayonlari hamda pedagogik faoliyatda muhim ahamiyat kasb etadi.