Qora qalpoq indd

Usınıs úlgisi
83-qosımsha
USÍNÍS
Men, Sultanbay Saparbaevtı 1974-jıldan ber-
li jaqınnan tanıyman. 1984-jıldan baslap ÓzR IA
Qaraqalpaq gumanitar ilimler ilimiy-izertlew insti-
tutında birge isleymiz. Bul waqıt ishinde ol terminolo-
giya tarawında jetik qánige sıpatında tanıldı, filologiya 
ilimleriniń kandidatı boldı. Onıń dissertaciya jumısı, 
bir qansha maqalaları ilimiy puqtalıǵı menen ajıralıp
turadı.
S.Saparbaev tártibi hám qatańlıǵı menen jámáátte 
abırayǵa iye, tatıw shańaraqtıń baslıǵı. Instituttıń ilimiy 
hám sociallıq turmısında belsendi qatnasıp kelmekte. 
Sol sebepli men Sultanbay Saparbaevtı «Ruwxıylıq» 
mámleketlik ilimiy baspaxanasında ilimiy redaktor 
sıpatında islew ushın usınıs etemen.
(qolı) filologiya ilimleriniń 
kandidatı A.Shamuratov
2016-jıl 18-fevral
ÓMIRBAYAN
Belgili bir shaxs tárepinen óziniń jeke ómiri hám 
iskerligi haqqında bayanlanǵan rásmiy hújjet. Ómirbayan 
birdey úlgige iye emes, tolıq yamasa keń túrde jazılıwı 
múmkin. Ol avtor tárepinen erkin dúziletuǵın hújjet. 
Ol erkin (ıqtıyarlı) dúzilse de, ómirbayanda ayırım 
bólimlerdiń bolıwı shárt.
Ómirbayannıń tiykarǵı zárúrli bólimleri:
1. Hújjettiń atı (Ómirbayan).
2. Tekst:
a) avtor familiyası, atı hám ákesiniń atı;
á) tuwılǵan jılı, kún, ay hám tuwılǵan jeri;
b) milleti, sociallıq kelip shıǵıwı;
g) ata-anası haqqında qısqasha maǵlıwmat (familiyası, 
atı, ákesiniń atı, jumıs ornı);
ǵ) maǵlıwmatı (qay jerde, qanday oqıw ornın 
tamamlaǵanlıǵı hám maǵlıwmatı boyınsha qánigeligi);
d) islegen lawazımları;
e) aqırǵı jumıs ornı hám lawazımı;
j) sıylıq hám xoshametlewler;
z) jámiyetlik jumıslarǵa qatnası;
i) shańaraqlıq awhalı hám shańaraq aǵzaları;
k) pasport maǵlıwmatları;
q) jasaw mánzili (úy mánzili), telefonı.
3. Sáne.
4. Qolı.
Ómirbayan ápiwayı qaǵazǵa, ayırım jaǵdaylarda, 
yaǵnıy jumısqa, oqıwǵa kiriwde arnawlı blankalarda 
qoldan yamasa kompyuterde jazıladı. Tekstti bayan etiw 
forması gúrriń usılında bolıp, birinshi bette beriledi.
Barlıq maǵlıwmatlar xronologiyalıq tártipte, anıq 
sáneler menen (imkanı barınsha jılı, ayı, kúni kórsetilgen 
halda) beriledi. Barlıq sanlar arab sanlarında kórsetiledi. 
Ómirbayan sonday etip dúziliwi kerek, onıń menen 

---

224
225
tanısqan adam avtordıń ómir jolı, iskerligi haqqında 
anıq túsinikke iye bolsın. Tómendegi qosımshalarda 
ómirbayan úlgisi berildi.