9340 «0‘tgan yillar foydasi» schotining kreditida hisobot yilda aniqlangan o‘tganyillarning foydasi aks ettiriladi. Bunday foyda, masalan, muddatidan oldin hisobdan chiqarib yuborilgan debitorlik qarzlarning tiklangan yoki kelib tushgan summasi, ortiqcha hisoblab yuborilgan xarajatlarni kamaytirilishi va boshqalar hisoblanadi. Bunda mos ravishda o‘tgan yillar foydasini tiklanganligini ko‘rsatuvchi schotlar, masalan 5010 «Kassadagi milliy valutadgi pul mablag‘lari», 5110 «Hisob-kitob schoti», 4000 «Olinadigan schotlar» debetlanadi.
9350 «Qisqa muddatli ijaradan daromadlar» schotining kreditida qisqa muddatli ijaradan olingan daromad summasi 4820 «Qisqa muddatli ijara bo‘yicha olinadiganto‘lovlar» schoti bilan korrespondensiyalashgan holda aks ettiriladi.
9360 «Kreditor va deponent qarzlarni hisobdan chiqarishdan daromadlar» schotining kreditida muddatida (3 yildan oshiq muddatda) undirib olinmagan qarzlarni qurilish tashkiloti foydasiga o‘tkazishdan olingan daromadlar mos ravishda kreditorlik qarzlarni aks ettiruvchi schotlar (6010, 6110, 6710, 6720, 6900 va boshqalar) bilan korrespondensiyalangan holda aks ettiriladi.
9370 «Xizmat ko‘rsatuvchi xo‘jaliklar daromadlari» schotining kreditida asosiy faoliyatgaxizmatko‘rsatuvchi xo‘jaliklardan(sog‘liqni saqlash bo‘linmasi, sartoroshxona, kutubxona, bolalar bog‘chasi, sauna, sanatoriylar, oshxona, mehmonxona, sport komplekslari va boshqalar) olingan daromadlar aks ettiriladi. Bunda olingan yoki hisoblangan daromadlarni aks ettiruvchi schotlar, masalan, 5010 «Kassadagi milliy valutadagi pul mablag‘lari», 5110 «Hisob-kitob schoti», 4890 «Boshqa debitorlar qarzlari» schotlari debetlanadi.
Do'stlaringiz bilan baham: |
