Qurilishda qiymat injiniring asoslari

Pudrat usulida qurilish jarayonida tegishli vakolat va majburiyatlarga ega bo'lgan 3 tomon vakillari ishtirok etadilar: buyurtmachi, bosh pudratchi va yordamchi pudratchi tashkilotlar.
Buyurtmachi oldin bosh pudratchi bilan bino va inshootlami qurish, qayta qurish yoki texnikaviy qayta qurollantirishning butun davri uchun pudrat shartnomasini tuzadi.
Bosh pudratchi o'z kuchi va vositalari bilan loyiha-smeta hujjatlarida keltirilgan ob'yektlarni qurilish me'yorlari va qoidalariga muvofiq qurishi, montaj qilingan asbob uskunalarni sinovdan o'tkazishi, kompleks sinov ishga tushirilishida qatnashishi, ishchi qabul komissiyasiga tugallangan ob'yektni topshirishi va ob'yektni buyurtmachi va yordamchi pudratchi tashkilotlar bilan birgalikda belgilangan muddatlarda ishga tushirilishini ta'minlashi lozim.
Bosh pudratchi buyurtmachi oldida o'zi va yordamchi pudratchi tomonidan
bajarilgan barcha ishlar uchun javob beradi, yordamchi pudratchi esa bosh
pudratchi oldida faqat yordamchi pudrat shartnomasida ko'rsatilgan ishlarning
turlari uchungina javob beradi.
Xo'jalik usulida qurilish-montaj ishlari qurilish qiluvchi tashkilotlarning o' z kuchlari va vositalari bilan bajariladi. Ushbu usulda ishlarni bajarish uchun maxsus qurilish va qurilish-ta'mirlash tashkilotlari, uchastkalari yoki sexlari tashkil qilinadi. lshlami bajarish ushbu usulda tashkil qilinganda buyurtmachi kerakli ishlarni qisqa muddatlarda bajarish imkoniyatiga ega bo'ladi, qurilishga doir masalalarni hal qilishda tezkorlikka erishiladi. Ushbu usulda ishlaydigan qurilish va qurilish-ta'mirlash tashkilotlari kerakli qurilish mexanizmlari va malakali quruvchi kadrlar bilan ta'minlanadi.

2.1 Qurilishda ishlarni bajarish tartibi
Qurilish maydonini yaxshilash
Har bir bino u bilan boshlanadi. Obodonlashtirish qurilish guruhi a'zolari uchun vaqtinchalik panjara, hojatxona va yordamchi xonani qurishni o'z ichiga oladi, bu erda ular yuvinishi, almashtirilishi va ovqatlanishi mumkin. Suv va elektr ta'minoti ham talab qilinadi. Bundan tashqari, o'tish joylarini aniqlash, materiallarni saqlash, beton aralashtirgichni o'rnatish kerak. Qurilish maydonchasini obodonlashtirishni davom ettirishdan oldin, qurilishni tashkil etish loyihasini tuzib, keyin unga qat'iy rioya qilish kerak.