Qurilmasida tekshirish

4.2.Startyorni to’la tormozlangan holda tekshirish 
Startyorlarning elektr zanjirlardagi nosozlikliklarni aniqlash uchun ularni to’la 
tormozlangan holda tekshiriladi. Sinov davomida startyor iste’mol qilayotgan tok,
burovchi moment va startyor qisqichlaridagi kuchlanish o’lcha-nadi. Sinov natijalarida 
olingan ma’lumotlar tekshirilayotgan startyorning texnik tavsifnomasidagi ko’rsatkichlar 
bilan solishtiriladi va startyorning elektr zanjirlarining holati haqida xulosa chiqariladi. 
Xususan: 
- agar startyor iste’mol qilayotgan tok texnik tavsifnomada ko’rsatil-gandan katta, 
burovchi moment esa kichik bo’lsa, bu yakor yoki uyg’otish chul-g’amlarida nosozlik 
borligining belgisidir ; 
- agar burovchi moment va startyor iste’mol qilayotgan tok texnik tavsif-nomada 
ko’rsatilgandan past bo’lsa (akkumulyator batareyasi to’la zaryadlangan holda) - bu 
startyorning ichki elektr zanjirlarida va cho’tka bilan kollektor orasida kontaktlar yaxshi 
emasligidan dalolat beradi ; 
- agar startyor qisqichlaridagi kuchlanish texnik tavsifnomada ko’rsatilgan qiymatdan 
past bo’lsa - bu akkumulyator sig’imining kamayganligini yoki startyorning tashqi elektr 
zanjirlarida kontakt yaxshi emasligini bildiradi. 
EMA-2 belgili qurilma yordamida startyorni to’la tormozlangan holda tek-shirish 
quyidagi tartibda amalga oshiriladi: 
- maxsus tormozlovchi pishang 4 rasm 3.1 da ko’rsatilganidek qurilmaga o’rnatiladi 
- startyorni ishga tushirish tugmasini 2 qisqa muddat, 3-5 sekundga bosib, tezlik bilan 
am-permetr, dinamometr va voltmetr ko’rsatkichlari yozib olinadi; 
- sinov natijasida olingan ma’lumotlar hisobotdagi jadvalga yozib qo’yi-ladi; 
- tajriba ma’lumotlari bilan tekshirilayotgan startyorning texnik tav-sifnomasidagi 
ko’rsatkichlar solishtiriladi va startyorning texnik holati haqida xulosa chiqariladi, 
hisobotga yozib qo’yiladi.