Qutirish virusi

Virsulogik tashxis

• Bemor o‘lgandan keyingi tashxis quyidagilarga asoslanadi: 1) miya to‘qimalaridan Babesh-Negri tanachalarini aniqlash; 2) fluo- ressensiya antitelolari yordamida mos antigenlarni aniqlash; 3) la- boratoriya hayvonlarida biologik sinama orqali viruslarni aniqlash.1. Babesh-Negri tanachalarini aniqlash. Miya to‘qimalaridan tayyorlangan surtmalarni fiksatsiya qilmasdan, ulardan tayyorlan- gan gistologik preparatlarni (hatto miya chirib ketgan bo‘lsa ham) bo‘yab, Babesh-Negri tanachalari aniqlanadi. Bir nechta prepa- ratlar tayyorlash lozim, chunki tanachalar ularda kam bo‘lishi mumkin. Muromsev usulida bo‘yalganda nerv hujayralarining sitoplazmasi havorangga, Babesh-Negri tanachalari binafsha- pushti rangga va to‘q binafsharangga bo‘yaladi. Babesh-Negri tanachalari so‘lak bezlaridagiga nisbatan miya hujayralarida ko‘proq aniqlanadi.2. Fluoressensiya zardoblari yordamida aniqlash usuli. Bu usul kam hollarda qo‘llaniladi.3. Biologik sinama usuli. Bu usul maxsus laboratoriyalarda olib boriladi. Zararli materialni olish, jo‘natish, saqlash ishlari o‘ta xavfli infeksiyalarni tekshirish qoidalariga rioya qilingan holda olib boriladi.