Quyosh kollektorining effektivligini issiqlik izolyatsiyasining funksiyasi sifatida aniqlash

Tajriba qurilmasini yig’ish

• 
  3.1-rasmda ko’rsatilgan tajriba qurilmasini yig’ing.
  
• 
  Buning uchun eng avvalo nakonechniklar bilan quvurlarni ulash uchun mos silikon quvurlar va ulagichlardan foydalaning;
  
• 
  suv nasosini shunday ulangki, u suvni quyosh kollektorining tubidan quyosh kollektori orqali haydasin, ya’ni nasos nakonechnigini kirish kamerasining nakonechnigi bilan ulash kerak;
  
• 
  harorat datchigini bevosita rezinali jipslagich yordamida quyosh kollektorining chiqish kamerasidagi 1,5 mm qilib parmalangan teshikka o’rnating;
  
• 
  haroratni o’lchashning bu usuli quyosh kollektorini qizib ketishining oldini olish uchun ham qo’llaniladi. Kollektordagi suvning harorati 60°C dan ortib ketmasligi kerak;
  
• 
  chiqish kamerasining nakonechnigini bak nakonechnigi bilan ulang;
  
• 
  bak chiqish nakonechnigini suv nasosining kirishi bilan ulang;
  
• 
  bakga 1000 ml suv soling;
  
• 
  bakni shunday ko’taringki, suv nasosi orqali suvning oqib tushishi quyosh kollektoridan o’tib, ortga bakning kirishiga qaytsin. Suv qarshiliksiz oqishi uchun, barcha quvurlar doimo to’g’ri (burishgan va egilgan joysiz) bo’lishi kerak;
  
• 
  bakni shtativ ustunidagi oldindan belgilangan joyga o’rnating;
  
• 
  suv nasosining elektr ta’minotini ulang va qutbga rioya qilib, taxminan 6 V kuchlanish o’rnating;
  
• 
  quvur shlanglar sistemasida pufaklar yo’qligiga amin bo’ling.
  

Haroratni o’lchash.

• 
  universal tutgich yordamida ikkinchi harorat datchigini bakdagi suvga o’rnating. Harorat datchiklarini NiCr-Ni- adapteri bilan CASSY ko’chma qurilmasiga ulang.
  

Yoritish vositasi.

• 
  cho’g’lanma lampani shtativga o’rnating va uni quyosh kollektorining old tomonidan taxminan 50 sm masofada joylashtiring;
  
• 
  cho’g’lanma lampani ulang va uni shunday joylashtiringki, bunda kollektorning faol qismi to’liq yoritilsin. Ehtiyoj bo’lganda, korpusning plastmassa qismi yoritilmasligiga erishing;
  
• 
  cho’g’lanma lampani o’chiring va quyosh kollektorining sovushiga yo’l qo’ying.