Rajabboyeva Farangiz

Rajabboyeva Farangiz

QR KOD BILAN ISHLASH.
QR-kodi (inglizcha: Quick Response code — tezkor javob kodi; Abbreviatura: QR kod) — dastlab Yaponiyada avtomobil sanoati uchun ishlab chiqilgan matritsali shtrixkod (yoki ikki oʻlchovli shtrixkod) turidir. U Masahiro Xara tomonidan yaratilgan. Termin Denso soʻzidan olingan boʻlib, u Yaponiyada roʻyxatdan oʻtgan savdo brendlaridan biri hisoblanadi. 
Shtrixkod — biriktirilgan obyekt haqidagi maʼlumotlarni oʻz ichiga olgan, tegishli mashina oʻqiy oladigan optik yorliq sanaladi. QR-kodi maʼlumotlarni samarali saqlash uchun toʻrtta standartlashtirilgan kodlash tizimi (raqamli, alfanumerik, ikkilik va kanji)dan foydalanadi.
QR-kod tizimi tez va oson oʻqilishi va Universal Product Code kodlariga nisbatan yuqori sigʻimliligi tufayli avtomobil sanoatidan tashqarida ham keng ommalashgan. Bular jumlasiga, mahsulotni kuzatish, elementni identifikatsiya qilish, vaqtni kuzatish, hujjatlarni boshqarish va umumiy marketing kiradi.
QR-kod yaratilmasdan oldin Denso zavodida komponentlarni skanerlash turli shtrix kodlari orqali amalga oshirilgan. Biroq, ularning soni 10 ga yaqin bo‘lganligi tufayli ish samaradorligi nihoyatda past bo‘lgan, oqibatda ishchilar tez charchayotganidan shikoyat qilishgan va oddiy shtrix-koddan ko‘ra ko‘proq maʼlumotni o‘z ichiga oladigan kod yaratishni so‘rashgan. Shundan soʻng Denso-Wave yuqori tezlikda komponentlarni skanerlashni yoʻlga qoʻyish uchun qoʻshimcha maʼlumotlarni oʻz ichiga oladigan kod yaratishga kirishdi.
Yupqa nur bilan skanerlangan eski shtrix-koddan farqli oʻlaroq, QR-kodi sensor yoki kamera orqali ikki oʻlchamli tasvir sifatida aniqlanadi. Tasvirning burchaklaridagi uchta kvadrat va kod boʻylab kichikroq vaqt kvadratlari tasvir oʻlchami va yoʻnalishini normallashtirib turadi va nazorat oynasini tekshirish orqali ikkilik raqamlarga aylantiradi.
„QR-code“ belgisi DENSO korporatsiyasi tomonidan roʻyxatdan oʻtkazilgan savdo belgisi boʻlsa-da, kodlardan foydalanish uchun hech qanday royalti toʻlanmaydi va ISO standarti sifatida qabul qilinadi hamda nashr etiladi[
QR-kodlari Yaponiyada juda keng tarqalgan. 2000-yil boshida QR-kodlari mamlakatda shu qadar keng tarqaldiki, ularni koʻplab plakatlar, paketlar va tovarlarda uchratish mumkin edi. Yaponiyada bunday kodlar doʻkonlarda sotiladigan deyarli barcha tovarlarga qoʻllaniladi. Shu bilan birga ularda reklama bukletlari va maʼlumotnomalar joylashtiriladi. QR-kod yordamida yaponlar hatto turli tanlovlar va oʻyinlarni tashkil qilib kelishadi. Yaponiyaning yetakchi uyali aloqa operatorlari oʻzaro hamkorlikda QR-kodni aniqlash uchun o‘rnatilgan qo‘llab-quvvatlashga ega mobil telefonlarni o‘z brendi ostida ishlab chiqaradilar
Eng kichik QR-kodi (1-versiya) 21×21 piksel (chetidan tashqari), eng kattasi (40-versiya) 177×177 pikselni tashkil qiladi.
QR-kodlarining toʻrtta asosiy kodlash tizimi mavjud:

• Raqamli;
• Alfanumerik;
• Baytli;
• Kanji.

Bundan tashqari, „psevdo-kodlash“ ham mavjud: bunda maʼlumotlarda kodlash usulini koʻrsatish, uzun xabarni bir nechta kodlarga boʻlish va hokazo amallarni bajarish mumkin.

Kodda skanerni chalkashtirib yuboradigan elementlar yoʻqligi uchun maʼlumotlar maydoniga maxsus niqob bilan modul 2 qoʻshiladi. Toʻgʻri ishlaydigan enkoder barcha niqob variantlarini sinab koʻrishi, har biri uchun maxsus qoidalarga muvofiq jarima balllarini hisoblashi va eng muqobilini tanlashi kerak