Rashid turgunbaev kompyuter grafikasi: adobe photoshop cc

Gradiyentlar 
Gradient uskunasi yordamida bir nechta ranglar o‘rtasida o‘tishlarga ega 
to‘ldirish yaratish mumkin. Gradiyentlarni andozalar asosida yoki yangi yaratib 
olish mumkin. Gradient uskunasini quyidagicha qo‘llash mumkin: 
1. Tasvirning ma’lum maydonini bo‘yash uchun ushbu maydon belgilab 
olinadi. Aks holda gradiyent to‘ldirish faol qavatning barcha maydoniga ta’sir 
ko‘rsatadi. 
2. Dasturning uskunalar panelidan Gradient uskunasi 
tanlanadi. 
3. Dasturning xususiyatlar panelidan gradiyent xususiyatlari belgilab olinishi 
mumkin. Jumladan gradiyent andozalarini tanlash va tahrirlab olish mumkin: 
4. Dasturning xususiyatlar panelidan quyidagi gradiyent turlari tanlab olinishi 
mumkin: 
- Linear Gradient 
chiziqli gradiyent yaratadi: 
- Radial Gradient 
aylana gradiyent yaratadi: 
- Angular Gradient 
burchakli gradiyent yaratadi: 
- Reflected Gradient akslangan gradiyent yaratadi: 

---

157
- Diamond Gradient 
rombli gradiyent yaratadi: 
5. Dasturning xususiyatlar panelidan quyidagilarni belgilab olish mumkin: 
- to‘ldirish rangining tasvirdagi rang bilan aralashish rejimini Mode elementi 
yordmida, to‘ldirishning shaffoflik darajasini Opacity elementi yordamida 
belgilanadi; 
- gradiyentdagi ranglar tartibini akslantirish uchun Reverse elementi 
belgilanadi; 
- silliqroq gradiyent yaratish uchun Dither elementi belgilanadi; 
- gradiyent to‘ldirish uchun transparent maska qo‘llash uchun Transparency 
elementi tablanadi. 
6. Tasvirning kerakli maydoniga sichqon ko‘rsatkichini joylab sichqon 
tugmasini bosib turgan holdagradiyentning boshlang‘ich va yakuniy nuqtalari 
belgilanadi. 
Belgilanish, qavat va yo‘llarni to‘ldirish va chegaralarini belgilash 
Uskunalar panelidagi Paint Bucket 
uskunasi yordamida belgilangan 
pikselning rangiga yaqin rangga ega bo‘lgan qo‘shni piksellarni to‘ldirish 
imkoniyatini beradi. Uskunadan quyidagicha foydalaniladi: 
1. Dasturning uskunalar panelidan old fon rangi tanlanadi. 
2. Dasturning uskunalar panelidan Paint Bucket 
uskunasi tanlanadi. 
3. Dasturning xususiyatlar panelidan uskuna yordamida rang yoki andoza bilan 
to‘ldirish belgilab olinadi. 
4. Dasturning xususiyatlar panelidan Mode elementi yordamida rangni 
aralashish rejimini, Opacity elementi yordamida to‘ldirishning shaffoflik darajasini 
belgilab olinadi. 
5. Dasturning xususiyatlar panelida Tolerance elementi yordamida belgilangan 
pikselning rangiga yaqin rangga ega bo‘lgan qo‘shni piksellarning yaqinlik darajasi 
belgilab olinadi. 

---

158
6. To‘ldirishning chegaralarini silliqligini ta’minlash uchun dasturning 
xususiyatlar panelidan Anti-alias elementi belgilab olinadi. 
7. Belgilangan pikselga qo‘shni bo‘lgan piksellarni to‘ldirish uchun dasturning 
xususiyatlar panelidan Contiguous elementini belgilash kerak. Element 
belgilanmasa belgilangan pikselning rangiga yaqin rangga ega bo‘lgan tasvirning 
barcha piksellari to‘ldiriladi. 
8. Barcha aks ettirilgan qavatlarning piksellariga ta’sir qilish uchun dasturning 
xususiyatlar panelidan All Layers elementi belgilanadi. 
9. Tasvirning to‘ldirilishi kerak bo‘lgan maydoniga sichqon ko‘rsatkichini 
joylashtirib chap tugmasi bosiladi. 
Dasturning Stroke buyrug‘i yordamida belgilash, yo‘l va qavatning chegarasini 
rang bilan belgilash mumkin. Buning uchun quyidagilarni bajarish kerak: 
1. Old fon rangi belgilanadi. 
2. Maydon yoki qavat tanlanadi. 
3. Dasturning Edit menyusidan Stroke buyruq qatori tanlanadi. Natijada 
quyidagi dialog oynasi ochiladi: 
4. Dialog oynasining Stroke bo‘limida Width elementi yordamida belgilanish 
qalinligi va Color elementi yordamida uning rangi ko‘rsatib o‘tiladi. 
5. Dialog oynasining Location bo‘limida belgilanishning chegaraga nisbatan 
joylashi belgilanadi. 

---

159
6. Dialog oynasining Blending bo‘limida Mode elementi yordamida belgilanish 
rangining element rangi bilan aralashish rejimi va Opacity elementi yordamida 
belgilanishning shaffoflik darajasi belgilanadi.