Реферат stomatologik sementlar. Sement asosli plomba ashyolari. Fosfat kislota asosli sementlar

Рух-фосфат цемент. Фосфат цементлар стоматологияда жуда кенг қўлланилади.

Таркиби жихатидан кукун ва суюқликдан ташкил топган. Кукуни таркибида рух оксиди (80-83%), магний оксиди (6-10%), Кварц ва бошқа қўшимчалар бор. Суюқлиги - рух оксиди ва алюминий гидрооксиди билан нейтралланган ортофосфат кислотаси.
Хусусиятлари:

• 
  Пульпа учун токсик эмас,
  
• 
  ёпишқоқлиги яхши (туғри қорилса),
  
• 
  кенгайиш коэффициенти паст,
  
• 
  яхши термоизолятор,
  
• 
  сўлак таъсирида эрийди (1 йил мобайнида),
  
• 
  механик пишиқ эмас,
  
• 
  косметик талабларга жавоб бермайди (ранги тиниқ эмас).
  

Фосфат цементнинг қотиши рух оксидини фосфат кислота билан бўладиган реакцияси натижасида амалга ошади, бунда рух фосфат ҳосил бўлади.
Ишлатилиши:

• 
  сунъий қопламалар қўйиладиган тишларда доимий пломба сифатида,
  
• 
  узоқ муддатга (3-4 ой) вақтинчалик пломба сифатида,
  
• 
  сунъий қопламаларни (ўзакли тиш, қистирма) фиксациялашда,
  
• 
  илдиз каналларини пломбалашда,
  
• 
  доимий пломбалар остига ажратувчи таглик сифатида,
  
• 
  сут тишларида доимий пломба сифатида.
  

Пломба ашёси пластик бўлиб, корилган асбобдан узилганда 1 -2 мм чўзилиб, аррасимон тишчалар ҳосил қилади (пломбанинг етилганлик белгиси). Қориш учун оптимал нисбати 2г кукунга 0,5 мл суюқлик .
Ҳозирги кунда pyх-фосфат цементлар турлича номлар билан чикарилади: Фосфат цемент, Кумуш тутувчи фосфат цемент, Фосцем, Уницем, Унифас, Адгезор (Чехия), Тенет (Швейцария).