Cho'rtansifat oqqayroq (kalbaliq, cho'rtanmarka) (9-rasm)Sirdaryo va Amudaryoda yo'q bo'lib ketayotgan, lokal tarqalgan endemik relikt turi.
Tarqalishi. Amudaryo va Sirdaryoning o'rta oqimlarining tarmoqlari:Qashqadaryo va Zarafshonning quyi qismidagi O'zbekistondan tashqarida Qozog'iston, Qirg'iziston, Tojikiston, Turkmanistonda uchraydi.
Yashash joylari. Daryoning chuqurligi 3 m, tubi qumli va toshloq joylari. Loyqa oqar suvlarda, kamdan-kam hollarda oqmas suvlarda yashaydi. Soni. Ilgari hamma yashash joylarida ko'p bo'lgan, keyingi o'n yil davomida keskin kamayib ketdi.
Yashash tarzi. Yirtqich daryo balig'i. 6-7 yoshda jinsiy voyaga yetadi. Urchishi — fevral-mart oylarida. Serpushtliligi - 22-190 ming uvildiriq atrofida.
Baliqlar bilan oziqlanadi.
Cheklovchi omillar. Daryolar oqimining sun‘iy tartiblanishi natijasida tabiiy suv rejimining o'zgarishi, suvning ifloslanishi, ko‘payish sharoitlarining yomonlashuvi brakonerlik. Ko'paytirish. Ko'paytirilmagan.Muhofaza choralari. Ovlash ta‘qiqlangan.Qizilqum va Surxon qo'riqxonalarida muhofaza ostiga olingan. Turni ko'paytirishni tashkil qilish, yashash joylarida maxsus muhofaza tartibini joriy qilish lozim.
2.2.Respublikamizga iqlimlashtirilgan baliqlar tavsifi.
Uzoq Sharq daryolaridan respublikamizdagi suv havzalariga oq amur, xumbosh, ilonbosh kabi baliqlar olib kelib, iqlimlashtirilgan.
Xumboshbaliqlar (Hypophalmichthynae) — karpsimonlar oilasiga mansub chuchuk suv baliqlari kenja oilasi.Uzunligi 1 mgacha,vazni 20— 35kg.Jabra pardalari ba'zan o'zaro qo'shilib o'sib,to'r hosil qiladi.Peshonasi nisbatan baland (nomi shundan).2 turi ma'lum.Sharqiy va Janubiy-Sharqiy Osiyo daryolarida yashaydi.5—7 yilda jinsiy voyaga yetadi.Yozda suv toshganida 490—560 ming uvildiriq tashlaydi.Yosh baliqlar dastlab zooplankton,keyinroq fitoplankton bilan yoki aralash oziqlanishga o'tadi. Ko'pchilik mamlakatlarda iqlimlashtirilgan. Amur, ya'ni oq xumboshbaliq O'zbekiston suv havzalarida ham iqlimlashtirilgan. Baliq ovi obyekti, hovuzlarda hamboqiladi.
Do'stlaringiz bilan baham: |
