Reja: bob psixologik xizmat haqida Nizomning qabul qilinishi

Texnika xavfsizligi va gigienik talablar. Xonaga o’rnatilgan barcha elektrotexnika jihozlari, jumladan, shaxsiy komp’yuterning elektr tarmoqlariga ulanishi texnika xavfsizligi qoidalariga javob berishi kerak;
psixologik xizmat xonasini yoritgichlar bilan ta’minlashda ularning zamonaviyligiga, butun xonani me’yorida yoritishiga va xavfsizligiga e’tibor qaratiladi;
psixologik trening mashg’ulotlari, psixologik tashxis qilish va individual suhbat o’tkazish jarayonlarida texnika vositalaridan foydalanishda xavfsizlik qoidalariga to’liq rioya qilinishi lozim.
Estetik talablar. Psixologik xizmat xonasidagi jihozlar, axborot beruvchi vosita va materiallarning umumiy ko’rinishi estetik talablarga mos kelishi, did bilan jihozlanishi hamda ularning zamonaviy bo’lishiga e’tibor qaratilishi, bu o’quvchilarning go’zallikka bo’lgan ijobiy intilishini tarbiyalashiga ahamiyat berilishi lozim.
IV. Xonaning o’quv va moddiy - texnik ta’minoti
Umumta’lim maktablaridagi psixologik xizmat xonasi, maktab binosining birinchi qavatida, kasb-hunarga yo’naltirish va tibbiy xizmat xonasi bilan yonma-yon, ya’ni bitta binoda bo’lishi maqsadga muvofiq. Mazkur xona uchun kamida 36 kv.m. maydondagi xona ajratiladi.
Psixologik xizmat xonasining o’ng tomonidagi burchagining 5 kv.m. joyi individual suhbat o’tkazish burchagi uchun, 16 kv.m. esa shkaf, stol-stul, doska va boshqa jihozlar uchun, 15 kv.m. joy o’quvchilarning erkin harakatlanishlari uchun qoldiriladi.
Xalq ta’limi vazirligining 2019 yil 19 iyundagi 06-06 /2060 sonli xatiga 2 -ilova
Psixologik xizmat xonalarini jihozlash me’yorlari

№	Jihozlar nomi	Soni	Tavsiya etiladigan sifatlari
1	Shkaf (burchakli)	1 ta	Yog’och rangida
2	Stol (individual) va stullar	15 ta	Och yashil yoki yog’och rangida
3	Psixolog uchun stol-stul (2 ta tortmali stol)	1 ta	Yog’och rangida
4	Doska (ko’chma)	1 ta	Oq yoki to’q yashil rangda
5	Kichik jurnal stoli (individual suhbat burchagi uchun)	1 ta	Oynali
6	Kreslo (individual suhbat burchagi uchun)	2 ta	Oq yoki yashil rangda
7	Xona deraza tokchalariga tuvakli tabiiy gullar	10 ta	Turli nom va navlardagi
8	Pardalar (jalyuz) derazalar soniga qarab		Oq rangda
9	Palos	2 ta	Jigar rang
10	Akvarium (baliqlari bilan)	1 ta	–
11	100x70 sm o’lchamdagi ko’zgu (ruhiy yengillashtirish uchun)	1 ta	Tryumo ko’rinishida
12	Komp’yuter, printeri bilan	1 ta	Oq yoki kul rang
13	Yoritgich (stol lampasi)	1 ta	Oynali
14	Gul qog’oz (Fotooboy) – tabiat manzarasi	1 ta	Moviy, och yashil
15	Akvarium (70x30x30 sm o’lchamli )	1 ta	–
16	Devoriy ko’zgu( 100x70 sm o’lchamli)
17	Devoriy stendlar	Kamida 2 dona
18	Ishonch qutisi	1 dona
19	Tuvak guli	10 dona	Turli navdagi