Reja: Bosh qismining tuzilishi

1- LABORATORIYA MASHG’ULOT. Hasharotlar morfologiyasi, anatomiyasi va biologiyasi


Reja:

1. 
   Bosh qismining tuzilishi.
   
2. 
   Ko’krak qismining tuzilishi.
   
3. 
   Qorin qismining tuzilishi.
   

Kerakli jihozlar: Mikroskoplar, MBS - 1, MBR-1, Petri kosachasi, pintsetlar, entomologik to’g’nog’ichlar, jadvallar va kitoblar.
O’rganish ob’ektlari: Qora suvarak, chigirtkalar, qo’ng’izlar yoki boshqa yirik hajmdagi hasharotlardan namunalar olinadi.
Ishning bajarish tartibi: Voyaga yetgan hasharotlardan birortasini olib, uni buyum oynachasiga qo’yiladi. So’ngra lupa ostida hasharotning tashqi ko’rinishini ko’rib chiqiladi va hasharotlar sinfiga xos bo’lgan xarakterli belgilariga ahamiyat beriladi. Bunda bosh, ko’krak va qorin qismlari o’rganib chiqiladi.
Bosh (kaput) qismini lupa orqali qaraymiz, boshida bir juft mo’ylov (antenna), og’iz organi (trofi), murakkab ko’z (okuli) va sodda ko’z (okelli) borligini ko’ramiz.
Ko’krak (toraks) qismini kuzatamiz, ko’kragi uch bo’g’imli va ularning pastki tomoniga uch juft oyoqlari joylashgan va tepa qismida ikkinchi va uchinchi ko’krak qismida joylashgan ikki juft qanotlari (allae) borligini aniqlaymiz.
Qorin (abdomen) qismida bir necha bir-biriga o’xshash bo’limlardan tuzilganligini kuzatamiz, so’ng tanishib chiqilgan hasharotning umumiy gavda tuzilishlarini tablitsa yoki hasharotlarga qarab rasmi chizib olinadi.


Nazarot savollari:

1. 
   Hasharotlarning tashqi ko’rinishi shakldagi xilma-xilliklar nimalardan iborat?
   
2. 
   Hasharotlarni mo’ylov tiplari ayting?
   
3. 
   Hasharotlarni og’iz apparati tiplari qaysi?
   

4. Hasharotlar tanasini bo’limlarga bo’linishini ayting?
5. Hasharotlar ko’krak qismini tuzilishi qanday?