Режа: Иш жойларини шамоллатиш Ҳаво алмаштириш қурилмаларининг турлари. Ишлаб чиқаришда ёритиш ва уни амалга ошириш

Ҳаво алмаштириш қурилмаларининг турлари
Ҳаво алмаштириш қурилмалари ишлашига кўра табиий ва механик(сунъий) турларга бўлинади. Табиийси хона ҳавосининг конвекциясига ёки табиий шамолга асосланган бўлиб, бу маҳаллий ёки умумий бўлиши мумкин. Сунъий ҳаво алмаштиргичлар айланма ҳаракат қилувчи электровентилятор ҳисобланиб, бу ҳавони бир томондан сўриб, иккинчи томонга ҳайдашга асосланиб ишлайди. Булар асосан оддий ва колориферли бўлади. Оддий вентиляторлар ҳавонинг ҳароратини ўзгартирмасдан алмаштириб беради.
Иш жойларида ҳаво муҳитини яхшилашда ташқаридан кираётган ҳавонинг ҳарорати меъёрдан совуқ бўлса, киритилаётган ҳавони иситиш зарур. Бунинг учун махсус иситиш қурилмали ҳаво алмаштиргич-колориферли вентиляторлардан фойдаланилади.
Ҳаво алмаштириш қурилмалари СМ 245-71 бўйича хонадаги иш ўринларига халақит бермайдиган, ишловчиларга тўғридан-тўғри таъсир қилмайдиган ҳолатда ўрнатилади. Кўпинча бу мақсадлар учун табиий ҳаво алмаштиргич- дефлектор ёрдамида ҳаво алмаштириш бажарилади. Дефлектор хонанинг шипига ўрнатилган бўлиб, устки қисми қор-ёмғирлар тушмайдиган қилиб ишланган қалпоқ 3 билан жиҳозланган, бу атмосферадаги турли чанг зарраларини дефлектор ичига тушишдан ҳам асрайди. Дефлекторнинг юқори қисми цилиндрик айлана ҳолидаги ташқи тўсиқ 2 билан чегараланган бўлиб, бу ташқи атмосфера таъсирини камайтириш вазифасини ўтайди. Дефлекторнинг конуссимон қисми 4 атмосферадаги шамолнинг дефлектор ичига таъсирини йўқотади. Бу қувур кўринишида бўлади. Дефлектор танлашда унинг диаметрига эътибор берилади.
Дефлекторнинг конструктив диаметри формула орқали аниқланади. Бунда: D-дефлекторнинг диаметри, м; L_d -дефлекторнинг самарадорлиги, м³|соат; v_d-
-расм: дефлектор тузилиши: 1-диффузор; 2-айлана қисм; 3-ёғинлардан ҳимояловчи қалпоқ; 4-конус қисм; 5-қувур қисм.
Бунда V – хонадан чиқаётган ҳаво ҳажми. Дефлекторлар сони бир нечта бўлса, буларнинг хонандаги ҳавони жами ҳисобий миқдори:
V=V₁+V₂+V₃+V₄
формула бўйича топилади.
Дефлектордан чиқаётган ҳавонинг тезлиги, бу ўртача амалдаги шамол тезлигининг тенг ярми ҳисобидан олинади, м сек. v_d-одатда дефлекторнинг пастки қисмидан ўтувчи ҳаво оқими тезлигига тўғри келади. Корхоналар учун олинадиган дефлекторлар диаметри хонанинг катта-кичиклигига қараб, 0,2-1,0 м атрофида танланади.
Хона ҳавосини алмаштириш учун механик ҳаво алмаштиргич ҳам қўлланилади. Механик ҳаво алмаштиргичлар ҳавони хонадан ташқарига сиқиб чиқарувчи ва ташқаридан ҳавони ичкарига киритувчи бўлади. Ташқарига ҳавони сиқиб чиқарувчи бўлса, атмосферага чиқарилаётган ҳаво таркибидаги зарарли моддалар миқдори меъёридан ортиқча бўлса, ҳавони фильтрлаб чиқарилади. Ичкарига киритиш усулида доимо ташқаридан киритилаётган ҳавони фильтрлаб киритилади.
Ҳаво алмаштиргич(вентилятор) икки турда бўлади: айланувчи лопатасимон деталли(ўқли) ва марказдан қочма куч ҳисобига ишлайдиган(радиаль).
Вентиляторлар турлича босимга эга бўлиб, булар қуйидагича гуруҳга ажратилади: кичик босимли-1 кПа гача; ўрта босимли-1-3 кПа гача; юқори босимли-3-12 кПа гача. Кичик ва ўрта босимли вентиляторлар умумий ва маҳаллий ҳаво алмаштиришларда, ҳавони кондиционирлашда ишлатилади. Юқори босимли вентиляторлар эса технологик мақсадларда, масалан ортиш ишларида, пуркаш ишларида ишлатилади.
Аралаш ҳолда ишлатиладиган вентиляторларда ҳаво таркибидаги чанглар турлича бўлганлигида ўта ҳушёр бўлиш талаб этилади. Шунинг учун вентиляторлар:
- 80⁰С гача ҳароратдаги ҳаво таркибида 100 мг м³ концентрациягача чанг бўлган ҳолда ишлатиладиган вентиляторлар. Булар оддий пўлатдан тайёрланади;
- хонадаги ҳаво таркибида турли кислота ва ишқор чанглари бўлган ҳолда ишлатиладиган вентиляторлар деталлари хромникелли махсус пўлатлардан ва винипластлардан тайёрланган бўлади;
- ёнувчи чанглар мавжуд бўлган хоналарда қўлланиладиган вентиляторлар алюминийдан тайёрланиб, ҳаво ўтиш қисмлари салник билан маҳкамланган ҳолда бўлиши зарур;
- чанглардан тўла тозаловчи вентиляторлар, булар ҳаво таркибидаги чанг миқдори 100 мг м³ дан ортиқ бўлган ҳолларда ишлатилиб, бундай вентиляторлар материаллари ўта мустаҳкам пўлатлардан тайёрланади. Уларнинг лопаталар сони 4-8 оралиғида бўлишига рухсат этилади.
Ҳаво алмаштириш қурилмалари чангни тозалаш ёки хона ҳавосини алмаштиришга мўлжалланишига қараб, муҳандис томонидан ҳисоблаб топилади ва унинг кўрсатмасига биноан ўрнатилади. Бунда хона ҳажми V_х ҳаво алмаштиргичнинг соатига алмаштириши мумкин бўлган ҳаво ҳажми V_t ҳисобидан олинади. Чунки хона ҳавосини алмаштиришда соатига алмашиш сони- муҳим ўрин тутади.