Reja: Kirish Korxona faoliyatida ishlab chiqarish xarajatlari auditining maqsadi, vazifalari va axborot manbalari Korxonada ishlab chiqarish xarajatlari auditini

Reja:
Kirish

1. 
   Korxona faoliyatida ishlab chiqarish xarajatlari auditining maqsadi, vazifalari va axborot manbalari
   
2. 
   Korxonada ishlab chiqarish xarajatlari auditini o’tkazishni rejalashtirish
   
3. 
   Korxona faoliyatida ishlab chiqarish xarajatlari auditini o’tkazish tartibi
   
4. 
   Tekshiruv jarayonida olingan ma’lumotlar asosida ishlab chiqarish xarajatlari auditi natijalarini umumlashtirish
   

Xulosa
Foydalanilgan adabiyotlar

KIRISH
Mavzuning dolzarbligi. Mamlakatimiz iqtisodiyotining turli soha va tarmoqlarida amalga oshirilayotgan keng ko`lamli islohotlar samarasi yildan-yilga tobora ortib borayotgani mustaqil taraqqiyotning dastlabki yillarida xalqimiz tanlab olgan rivojlanish yo`li naqadar to`g`ri hamda puxta asosga ega ekanini, eng muhimi, ularning negizida fuqarolarimizning hayotiy orzu-intiliashlari va manfaatlari o`zining yaqqol ifodasini topganini ko`rsatmoqda.
Ma’lumki, O’zbekiston Respublikasida olib borilayotgan islohatlar samarasini yanada oshirish, davlat va jamiyatning har tomonlama va jadal rivojlanishi uchun shart-sharoitlar yaratish, mamlakatimizni modernizatsiya qilish hamda hayotning barcha sohalarini liberallashtirish bo’yicha 2017 yil 7 fevral kuni O’zbekiston Respublikasi Prezidentining “O’zbekiston Respublikasini yanada rivojlantirish bo’yicha Harakatlar strategiyasi to’g’risida”gi PF-4947-son Farmoni imzolandi. Mazkur Farmonning “2017 — 2021 yillarda O’zbekiston Respublikasini rivojlantirishning beshta ustuvor yo’nalishi bo’yichaharakatlar strategiyasi” nomli 1-ilovasida “ishlab chiqarishni modernizatsiya qilish, texnik va texnologik jihatdan yangilash, ishlab chiqarish, transport-kommunikatsiya va ijtimoiy infratuzilma loyihalarini amalga oshirishga qaratilgan faol investitsiya siyosatini olib borish”¹ vazifasi belgilab berildi.
Bunday barqaror rivojlanib borayotgan iqtisodiy yutuqlarimiz mamlakatimizda olib borilayotgan ijtimoiy-iqtisodiy islohatlarimizni naqadar oqilona va to`g`ri ekanligidan dalolat beradi. Shuningdek, mamlakatimizda faoliyat olib borayotgan xojalik yurituvchi sub`yektlar faoliyatini diversifikatsiya qilish, ularning moddiy-texnik bazalarini modernizatsiya qilish, ishlab chiqarishni rag`batlantirish, import o`rnini bosuvchi eksportbop mahsulotlar ishlab chiqarish hozirda mamlakatimiz oldida turgan muhim vazifalardan biri hisoblanadi.
Bu vazifalarni bajarishda, eng avvalo, muvoffaqiyatli biznes loyihalarini amaliyotga joriy etish zarur. Barchamizga yaxshi ayonki, biznesning muvoffaqiyati bozor iqtisodiyoti institutlari, xususan yuksak professional darajadagi auditni, sug'urtaning zamonaviy shakllarini va moliyaviy xizmatlarning boshqa turlarini keng rivojlantirishga bevosita bog'liq. Shundan kelib chiqib aytishim mumkinki, auditorlik faoliyati O`zbekistonda hali ko`plab izlanish talab qiladigan, yangilik va o`zgarishlar joriy etiladigan sohadir.
Xo'jalik yurituvchi sub'ektlarning faoliyatini auditorlik tekshiruvidan o'tkazib, xolisona baho berish, buxgalteriya hisobini va moliyaviy hisobot shakllarining maqsadga muvofiq yuritilishi haqida auditorlik xisobotining tuzilishi, auditorlik xulosasining ob'ektiv jihatdan korxonaning tashqi foydalanuvchilariga (aksionerlariga, davlat soliq qumitasi bulimlariga, investorlariga va xokazolarga) berilishi ahamiyati hozirgi kunning dolzarb muammolaridan biri hisoblanadi. Auditorlik hisoboti va xulosalarining tarkibini takomillashtirilishi audit tekshiruvlarining ish sifatini baholash va belgilashga yondashuvlar bilan belgilanadi. Umuman olganda, mamlakatimizda xo'jalik yurituvchi sub'ektlarni audit tekshiruvidan o'tkazish va unga xolisona baho berilishida auditorlik hisobotining tuzilishi va uning faoliyati haqida auditorlik xulosasi berilishida eng yaqqol jihatlarini izlashda sezilarli muammolar mavjudligi bu sohani takomillashtirish, uni ilmiy yondashgan tadqiqotlar olib borish zaruriyatlarini yuzaga keltirmoqda. Bu esa mazkur kurs ishi mavzusining dolzarbligini asoslashga xizmat qiladi.