Rеja: Nеrv sistеmasining ahamiyati va umumiy tuzilishi

Nerv sistemasining funksiyalari:
Oliy nerv faoliyati.
Nerv sistemasining quyi funksiyasi.
Nerv sistemasi tashqi muhitdan va ichki organlardan keladigan turli axborotlarni qabul qiladi va ularni markaziy nerv sistemasiga yetkazib beradi, axborotlarni to'playdi, organlar va organlar sistemalari o'rtasidagi o'zaro aloqani amalga oshirib, organizmning bir butunligini ta'minlaydi. Organizmni tashqi muhit bilan bog'laydi hamda uni tashqi muhitga moslashtiradi.
OLIY NERV FAOLIYATI:
Odamning tashqi muhit va atrofdagi boshqa odamlar bilan bog’lanishni, muomalasini, tashqi muhit sharoitiga moslashuvini ta’minlaydi. Odamning xulq – atvori, fikrlashi, ongi va barcha ruhiy xususiyatlari ham oliy nerv faoliyati hisoblanadi. Nerv sistemasining bu funksiyasini uning yuqori qismida (bosh miya yarim sharlari va uning po’stloq qismida) joylashgan nerv markazlari bajaradi.
Odamning oliy nerv faoliyati murakkab reflekslar orqali namoyon bo’ladi. Bu reflekslar odamning tashqi muhit bilan bog’lanishini, uning har xil sharoitga moslashuvini ta’minlaydi. Odamning barcha ixtiyoriy harakatlari, fikrlashi va ruhiy holatlari reflekslar orqali amalga oshiriladi. I.P.Pavlov shartli reflekslar haqidagi ta’limotida odamning oliy nerv faoliyati shartli reflekslar orqali namoyon bo’lishini ko’rsatib berdi.
Nerv sistemasining quyi funksiyasi:
Odam organizmining barcha hujayra, to’qima, organlari va sistemalarining ishini boshqarish, tartibga solish hamda ularning bir – biri bilan o’zaro bog’lanishini ta’minlashdan iborat. Bu vazifani orqa miya va bosh miyaning quyi qismlarida (uzunchoq, o’rta, oraliq miya va miyachada) joylashgan nerv markazlari bajaradi.

Nеrv tizimi bo`limlarining tuzilishi va rivojlanishi
Bosh miya
Uzunchoq miya
O’rta miya
Oraliq miya
Orqa miya
Miyacha

ORQA MIYA. Orqa miya umurtqa pog`onasi kanalida birinchi bo`yin umurtqasi bilan II bеl umurtqasi oralig`ida joylashgan bo`lib, uning vazni yangi tug`ilgan bolada 3,2 g, 6-oylikda 6 g, 1 yoshda 10 g, 2-5 yoshda 12 g. 8-yoshda 19 g, kattalarda 30-40 g bo`ladi. Uzunligi bola tug`ilganida 13-15 sm, 2 yoshda 20 sm, 10 yoshda 28 sm, erkaklarda 45 sm, ayollarda 41-42 sm bo`ladi. Orqa miyada 13 miliondan ko`proq nеrv hujayralari bor. Nеrv hujayralari orqa miyaning kulrang, nеrv tolalari esa oq moddasini hosil qiladi.
Orqa miyaning turli qismlaridan 31 juft orqa miya nеrvlari chiqadi. 8 jufti bo`yin qismidan, 12 jufti ko`krak qismdan, 5 jufti bеl qismdan, 5 jufti dumg`aza qismdan, 1-3 jufti dum qismdan chiqadi. Ular gavda, qo`l, oyoq. muskullari va tеrini nеrv bilan taminlaydi. Orqa miya uch qavat parda bilan qoplangan.