Reja: Oldindan zo’riqtirish usullari Taranglashtiriluvchi armatura elementlarining tuzilishi Armaturani taranglashtirishning mexanik usul

Presslab tayyorlash uchun shaybalarning diametri

Diametr				Shaybaning balandligi
arm-raniki	shaybaniki		presslanguncha					Presslangandan so‘ng
	ichki	tashqi	Armatura klassi
			At-IV, A-IV		At-V, A-V	At-VI	At-VII	At-IV, A-IV	At-V, A-V	At-VI	At-VII
10	13	30	8		10	11	12	11	13	14	16
12	15	32	8		11	14	17	13	15	18	21
14	17	32	10		12	17	21	14	17	21	26
16	20	36	11		15	19	23	16	19	23	27
18	22	36	13		17	21	25	17	21	25	29
20	24	40	14		19	23	27	19	23	28	31
22	26	42	16		21	25	29	30	26	30	33

SMJ-32 uskunasi ( - rasm) armatura sterjenlarini kerakli o’lchamli qilib payvanlash va ikkala uchlarida arker hosil qilish uchun xizmat qiladi. Uskunaning quvvati soatiga 3 va 6 sterjendan iborat. Sterjenlarning uzunligi 23,7 va 18,5 m, diametri esa 16 dan 40 mmgacha.

Qurilma qabul qiluvchi (1) va uzatuvchi konveyyerlar (7), armaturani kesish uchun gidravlik stanok (6), uchma-uch kontakt payvandlash va anker hosil uchun MS-1602 mashinasi (3), uzatish mexanizmi (2) va elektr qurilmalaridan tashkil topgan.
SMJ-128B mashinasi ( - rasm) armatura sterjenlarining ikkala uchida anker hosil qilish uchun xizmat qiladi.
Sterjenlar yuklovchi qurilmadan (7) bittadan chap (4) va o’ng (8) siqib anker hosil qiluvchi qurilmalarga uzatadi. Boshqaruv pulьtining (1) tugmasini bosish bilan sterjenlar siqiladi va ularning uchlari transformatordan keluvchi elekr toki bilan qizdiriladi va anker hosil qilinadi. Qizdirish xarorati fotopirometrlar yordamida nazorat qilib boriladi. Armatura klassi va diametriga qarab qizdirish harorati 700 dan 12000S qilib belgilanadi.
Mashina avtomatik siklda ishlaydi. Uning ishlab chiqarish quvvati diametri 18 mm bo’lgan armatura sterjenlari uchun soatiga 240 anker yasaladi.
Gidravlik domkratlar foydalanilgunga qadar tekshirilgan bo’lishlari shart. Bu ish xar uch oyda va har bir ta’mirlash ishlaridan so’ng amalga oshiriladi. Ishlab chiqarishda ishlatiladigan domkrat birgalikda foydalaniladigan monometr va nasos stansiyasi bilan birgalikda tekshiruvdan o’tkazilishlari kerak.
Gidrodomkratlar uchun uzatma sifatida mexanik uzatmali SMJ-83 va qo’lli uzatmali NSR-400M nasos stansiyalaridan foydalanish tavsiya etiladi.
Qoliplar va stendlarning tayanchlariga armatura elementlarini bittadan yoki bir vaqtning o’zida bir necha elementni, yoki konstruksiyaning taranglashtiriladigan armaturasining hammasini taranglashtirish (guruhli taranglashtirish) mumkin.
Agarda armatura elementlarining uzunligini kerakligicha tayyorlash imkoni bo’lmasa, guruhli tararnglashtirishdan avval har bir elementni loyihaviy taranglash kuchidan 10%dan ko’p bo’lmagan kuch bilan tortiladi.
Stendlarda armaturani ikki bosqichda taranglashtirish tavsiya etiladi. Birinchi bosqichda armatura belgilanganiga nisbatan 40÷50% kuch bilan taranglashtiriladi. So’ngra taranglashtiriluvchi armatura to’g’ri joylashgani tekshiriladi, qo’shimcha detallar qo’yiladi, armatura to’rlari va karkaslari joylanib qolipning yon devorlari berkitiladi. Ikkinchi bosqichda armaturani belgilanga nisbatan 10% ortiq kuch bilan taranglashtiriladi va shu xolattda 3-5 minut ushlab turiladi. Shundan keyingina taranglashtirish ko’rsatkichini loyihaviy taranglikkacha pasaytiriladi.
Armaturani taranglashtirishda gidravlik domkratlardan foydalanilganda monometr shkalasi qiymati o’lchanadigan bosimdan 0,05 yuqori bo’lmasligi kerak. Monometr mo’ljallangan eng yuqori bosim o’lchanadigan bosimdan ikki martadan yuqori bo’lmasligi kerak.
Taranglashtirish vaqtida gidravlik domkratni o’rnatish jarayonida shunday o’rnatish zarurki uning bo’ylama o’qi taranglashtiriladigan armatura elementi yoki paketining bo’ylama o’qiga mos kelishi kerak