Reja: Soliq solish asosiy vositalar obyektlari

Ushbu davrning soliq solish bazasidan chiqarilmaydigan, biroq keyingi davrlarning soliq solish bazasidan chiqariladigan xarajatlar
Quyida keltirilgan xarajatlarning moddalari kredit tashkilotlarining moliyaviy hisobotlarida davr xarajatlar sifatida hisobga olinadi. Biroq ular soliq solish maqsadlari uchun ularni soliq solinadigan bazaga kiritish uchun foydaga qaytadan hisobga olinadi, so‘ngra esa ushbu xarajatlarning butun foydali muddati davomida yoki 10 yil mobaynida, ushbu muddatlardan qaysi birining (vaqtlar bo‘yicha tafovutlarning) qisqa bo‘lishiga qarab, keyinchalik chiqarib tashlanadi.
1. Kreditlarga doir ehtimoliy yo‘qotishlar bo‘yicha zaxiralarga O‘zbekiston Respublikasi Markaziy banki tomonidan belgilangan me’yorlardan ortiqcha qilingan ajratmalar.
2. Boshqa aktivlar bo‘yicha ehtimoliy yo‘qotishlarga qarshi zaxiralarga ajratmalar.
3. Boshqaruv tizimlari va vositalarini yaratish hamda takomillashtirish bo‘yicha xarajatlar.
4. Jadallashtirilgan usul bilan hisoblangan amortizatsiya summasi va belgilangan normalar bo‘yicha hisoblangan amortizatsiya summasi o‘rtasidagi farq:
a) asosiy vositalar bo‘yicha — soliq to‘g‘risidagi qonun hujjatlariga muvofiq;
b) nomoddiy aktivlar bo‘yicha — boshlang‘ich qiymatidan va foydali ishlatish muddatidan kelib chiqqan holda kredit tashkilotlari tomonidan hisoblab chiqilgan normalarga muvofiq.
5. Filial faoliyatini boshlashga tayyorlash ustidan texnik nazorat guruhini ta’minlash.
6. Yangi ochilayotgan filialda ishlash uchun kadrlarni tayyorlash xarajatlari.
7. Asbob-uskunalarni yetkazib bergan zavodlar yoki ularning topshirig‘iga binoan ixtisoslashtirilgan xo‘jalik yurituvchi subyektlar tomonidan amalga oshiriladigan shefmontaj xarajatlari.