Reja: Turar joylarning tasnifi. Turar uy joylarga qo’yiladigan me’morchilikning shaxarsozlik va badiiy talablari

Turar uy joy qurilishida shaharsozlik talablari
Shahar, turar joy hududiga yoki alohida turar joy uyiga yer sathini tanlash o’ta javobgar ishdir, chunki bu yerda aholining yashashi uchun hamma shart-sharoit mavjud bo’lishi va kelgusi avlodlarning yashashlarini hisobga olish zarur. Shaharsozlik masalasi alohida asosiy yuqori kursda o’tiladi. Shuning uchun, biz faqatgina shaharsozlikni alohida turar uy joy uchun yer sathi balandroq, suv to’planmaydigan, yerga suv shaxobchalari o’tkazish va ko’kalamzorlashtirish imkoniyatiga yega bo’lgan, undan tashqari sanoat va ishlab chiqarish korxonalaridan sanitariya - gigiyenik uzoqroq jihatdan masofada bo’lishi kerak.
Shuningdek, bino boshqa turar joy va jamoat binolaridan, ma’lum bir joyda joylashgan quyoshga nisbatan yaxshi qaratilgan bo’lishi va yaxshi shamollashtirilishi kerak. Uy bundan tashqari ko’cha shovqinidan ma’lum bir uzoq masofada joylashtirilishi ko’chaning qizil chizig’idan ko’kalamzor va shovqindan saqlanadigan to’siqlar orqali tuzilishi kerak.
Uyga avtomobil kirishi uchun yo’lakcha ajratilishi, bundan tashqari uy atrofi ko’kalamzorlashtirilgan va suv o’tkazilgan bolalar maydonchalari, kir quritadigan va sport maydonchalari, soyabonlar, kattalar dam oladigan joylar bilan jihozlangan bo’lishi kerak. Bu O’zbekiston tabiiy iqlim sharoitida muhim omillardan biridir. Yer sathi qo’shni uylar bilan, tuman markazi bilan bog’cha, maktab, savdo, madaniy va maishiy xizmat ko’rsatish joylari bilan qulay bog’langan bo’lishi kerak.