Reja: Yig’ish chizmalarni xaqida umumiy ma’lumot, yig’ish chizmalarini o’qish
Download 488.46 Kb.
|
BUYUMLARNING YIG\'ISH CHIZMALARI
- Bu sahifa navigatsiya:
- FOYDALANILGAN ADABIYOTLAR RO‘YXATI
I - r\ Л ** 4-rasm Umumiy holdagi spetsifikatsiya bo’limlardan iborat bolib, ular quyidagi tartibda joylashtiriladi: 1) hujjatlar; 2) komplekslar; 3) yig’ish birliklari; 4) detallar; 5) standart buyumlar; 6) boshqa buyumlar; 7) materiallar; 8) komplektlar. Har bir bo’lim spetsifikatsiyaning “Nomi” degan ustunida sarlavha sifatida ko’rsatiladi va ostiga chizib qo’yiladi. Spetsifikatsiyaning yuqorida keltirilgan har bir bo’limida quyidagi ma’lumotlar beriladi. Hujjatlar. Bu bo’limga spetsifikatsiya qilinadigan buyumning asosiy konstruktorlik hujjatlari komplektini tashkil qiluvchi hujjatlar, buyumning spetsifikatsiya qilinmagan qismlarining (detallarining) ish chizmasidan boshqa hujjatlari kiritiladi. Bu bo’limda birinchi navbatda spetsifikatsiya qilingan buyumning hujjatlari, so’ngra spetsifikatsiyalanmagan qismlarining hujjatlari kiritiladi. Komplekslar. “Yig’ish birliklari” va “Detallar” bo’limiga spetsifikatsiya qilinadigan buyum tarkibiga bevosita kiruvchi komplekslar, yig’ish birliklari va detallar kiritiladi. Ko’rsatilgan buyumlar alfavit tartibida yoziladi. Standart buyumlar. Bu bo’limda buyumlar quyidagi tartibda yoziladi: 1) davlat standartlari; 2) tarmoq standartlari; 3) korxona standartlari. Har bir standart toifalari chegarasida bir xil guruhlar, har bir guruh chegarasida buyumlarning alfavit tartibida nomlari, bar bir nom chegarasida standartlarning ortib borishi tartibida, har bir standartning belgilanishida buyumning asosiy parametrlari yoki o’lchamlari ortib borish tartibida yoziladi. Boshqa buyumlar. Bu bo’limga standart buyumlardan tashqari asosiy konstruktorlik hujjatlari bo’yicha qo’llanilmagan (texnikaviy shartlar, kataloglar, preyskurantlar va shunga o’xshashlar bo’yicha ishlatilgan) buyumlar kiritiladi. Buyumlar bir xil guruhlar bo’yicha yoziladi: har bir guruh chegarasida - raqamlari alfavit tartibida, har bir nom chegarasida buyumning asosiy parametrlari yoki o’lchamlari ortib borish tartibida yoziladi. Materiallar. Bu bo’limga buyum tarkibiga bevosita kiruvchi materiallar kiritiladi. Masalan, metall simlar, kabellar, shnurlar, rezina, teri, to’qimachilik materiallari, elektrodlar, yelim, moylovchi moylar va shunga o’xshashlar. Materiallar spetsifikatsiyada ularning turlariga qarab quyidagi tartibda yoziladi: 1) qora metallar; 2) magnitli elektrik va ferromagnit metallar; 3) rangli, asl va noyob metallar; 4) kabellar, simlar va chilvirlar; 5) plastmassalar va presslangan materiallar; 6) qog’oz va to’qimachilik materiallari; 7) yog’och materiallari; 8) rezina va teri materiallari; 9) mineral va sopol keramika materiallar; 10) loklar, bo’yoqlar, neft mahsulotlari va kimyoviy dorilar; 11) boshqa materiallar. Har bir materialning turlari chegarasida ularning nomlari alfavit tartibida, har bir materialning nomlari chegarasida o’lchamlari yoki boshqa parametrlari ortib borishi chegarasida yoziladi. Komplektlar. Spetsifikatsiyaning bu bo’limiga konstruktorlik hujjatlar bo’yicha buyumga bevosita kiruvchi komplektlar yoziladi. Komplektlarni yozish tartibi standartda belgilangan. Spetsifikatsiyada ko’rsatilgan ustunlar quyidagicha to’lg’aziladi. “Bichim” ustuni. Bunda spetsifikatsiyada nomi ko’rsatilgan hujjatlarning bichimi ko’rsatiladi. Agar hujjatlar bir necha turli bichimlarda bajarilgan bo’lsa, bu ustunda yulduzcha “*” belgisi qo’yilib, “Eslatma” ustunida hamma belgilar yoziladi. Standart va boshqa buyumlar, materiallar bo’limlarida bu ustun to’lg’azilmaydi. Bosmaxona, litografiya va boshqa shunga o’xshash usullar bilan tegishli davlat standartlari tasdiqlangan bichimlarda chiqarilgan hujjatlarda bu ustunga chiziq chizib qo’yiladi. “Zona” ustuni. Chizma maydoni zonalarga standart bo’yicha bo’lingan bo’lsa, buyumning tarkibiy qismlari joylashtirilgan zonalar ko’rsatiladi. “Vaz” (Vaziyat) ustuni. Bu ustunda spetsifikatsiya qilinayotgan buyum tarkibiga bevosita kiruvchi detallarning tartib raqamlari ularni spetsifikatsiyada yozilgan tartibda ko’rsatiladi. “Hujjatlar” va “Komplektlar'” bo’limlari uchun bu ustun to’lg’azilmaydi. “Belgisi” ustuni. Bu ustunda “Hujjatlar” bo’limida yozilgan hujjatlarning belgisi ko’rsatiladi. “Komplekslar”, Yig‘ish birhklari”, “Detallar” va “Komplektlar” bo’limlari uchun bu ustunda ularning asosiy konstruktorlik hujjatlarining belgilari ko’rsatiladi. Spetsifikatsiyaning “Standart buyumlaf ”, “Boshqa buyumlar” va “Materiallar'” bo’limlarida bu ustun to’lg’azilmaydi. “Nomi” ustunida quyidagi ma’lumotlar ko’rsatiladi: ««Hujjatlar» bo’limida mazkur buyumning asosiy konstruktorlik hujjatlari komplektiga kiruvchi hujjatlarining nomi, masalan, “Yig’ish chizmasi”, “Texnikaviy shartlar” va shunga o’xshashlar ko’rsatiladi. “Komplekslap”, “Yig’ish birliklari”, “Detallar” va “Komplektlar” bo’limlarida buyumning nomi asosiy konstruktorlik hujjatlarining asosiy yozuvida yozilgan nomiga muvofiq yoziladi. Chizmasi tuzilmagan buyumning detallari uchun ularning nomlari va materiali, tayyorlash uchun zarur bo’lgan o’lchamlari ko’rsatiladi; “Standart buyumlar” bo’limida standartlar tomonidan buyumga berilgan raqamlar va belgilar ko’rsatiladi; “Boshqa buyumlar ” bo’limida mazkur buyumlar bilan ta’minlanganligi to’g’risidagi hujjatlarga muvofiq ularning nomi va belgisi, hujjatlarning belgisi ko’rsatiladi; “Materiallar” bo’limida standart tomonidan materiallarga berilgan belgilar yoziladi. “Soni” ustunida buyumning tarkibiy qismlari uchun spetsifikatsiya qilinayotgan bitta buyumdagi detallarining soni ko’rsatiladi. «Materiallar» bo’limida bitta buyum uchun mazkur materialning umumiy miqdori o’lchov birligi yozilgan holda ko’rsatiladi. “Eslatma” ustuni “Soni” ustunining bevosita yaqinida yozib qo’yilishiga ruxsat beriladi. “Hujjatlar” bo’limida bu ustun to’lg’azilmaydi. “Eslatma” ustunida mazkur buyumga tegishli hujjatlar va materiallar, masalan, chizmasi bajarilmagan detallar uchun uning massasi va shunga o’xshash turli ma’lumotlar ko’rsatiladi. Ikki va undan ortiq turli bichimlarda bajarilgan hujjatlar uchun bu ustunda bichimlar ko’rsatiladi. Bunday hollarda bichimni ko’rsatuvchi son oldiga yulduzcha “*” belgisi qo’yiladi. Spetsifikatsiyaning har bir bo’limidan keyin qo’shimcha yozuvlar uchun bo’sh qatorlar qoldirilishi lozim. Shuningdek, vaziyat raqamlarini ham zahira sifatida qoldirish mumkin. Zahira vaziyat raqamlari bo’sh qatorlari to’lg’azilganda qo’yiladi. 3.Yigi’ish chizmalarining bajarishga oid GRAFIK VAZIFALAR Namuna chizmalar. Grafik vazifa sharti: “Yo’naltiruvchi blok" nomli yig ‘ma birlikning standart bo „lmagan detallarining eskizi tuzilsin. 6-rasm, a da “Yo’naltiruvchi blok" nomli buyum (yig’ma birlik)ning yaqqol tasviri berilgan. Bu yig’ma birlik ko’tarma kran metallkonstruksiyasining bir qismi hisoblanadi va u trossni yo’naltirish uchun xizmat qiladi. 6-rasm, b da spetsifikatsiya bo’limlari bo’yicha “Yo’naltiruvchi blok"ni tashkil qiluvchi qismlari tasvirlangan. “Rolik" yig’ma birlik bo’lib, u rolik va unga tig’iz kiritilgan vtulkadan iborat. “Rolik" spetsifikatsiyaning “Yig’ma birliklar"" bo’limiga tegishli bo’lganligi uchun uni tarkibidagi “Rolik" va “Vtulka"" eskizi, yig’ish chizmasi hamda spetsifikatsiyasi bajariladi. Tarkibiy qismlar: “Vilka"", “Kronshteyn"", “O’q"" va “Planka""lar spetsifikatsiyaning “Detallar"" bo’limiga kiradi. Bu detallarning har birini eskizi bajariladi. 3. Tarkibiy qismlar: boltlar, gaykalar, maslenka spetsifikatsiyaning “Standart buyumlar"" bo’limiga tegishlidir. 6-rasm Ushbu yig’ma birlikning yig’ish chizmasini tuzish uchun undagi har bir standart bo’lmagan detalning eskizi bajariladi (vaziyatlari 1, 2, 3, 4, 5). Detallarning eskizlari standart chizma qog’ozlariga chiziladi. Eskiz bajarish uchun mumkin qadar maxsus katakchalari mavjud bo’lgan millimetrovkali qog’ozlardan foydalanish maqsadga muvofiq bo’ladi. Eskizdagi ko’rinishlari soni, joylashuvi ushbu detalni tayyorlash imkoniyatini to’liq beruvchi ma’lumotlarni o’z ichiga olishi shart. Asosiy e’tibor detallarni o’zaro birikuvchi sirtlarining o’lchamlarini bir-biriga mos kelishiga qaratiladi. Vilka (vaz. 2) va kronshteyn (vaz. 3)larning eskizlari ularni to’liq tasavvur qilish uchun uchta ko’rinishdan iborat bo’ladi: bosh ko’rinish, ustdan ko „rinish va chapdan ko „rinish (9.7 va 9.8-rasmlar). Teshiklar va o’yiqlarni ko’rsatish uchun mahalliy qirqimlar tatbiq etilgan. Shuningdek, pozitsiyadagi detal formasini aniqlash uchun A mahalliy ko’rinishdan foydalanilgan. Planka (vaz.4)da frontal qirqim va ustki ko’rinish orqali uning eskizi bajarilgan (9.10-rasm). O’q (vaz. 5)ning tasvirida bitta bosh ko’rinish frontal qirqim qismi va A-A kesim qo’llanilgan (9.9-rasm). Yo’naltiruvchi blokdagi rolik (vaz. 1) yig’ma birlik bo’lganligi uchun uni detallari: rolik va vtulkalar eskizi bajariladi (9.11 va 9.12-rasmlar). Standart detallar (vaz. 7 vint) eskizi bajarilmaydi. O’rnatish vinti rolik yig’ish chizmasida chizilgan, shuning uchun detallar eskizida vint o‘yig‘i ko’rsatilmaydi. 7-rasm 8-rasm 9-rasm 10-rasm FOYDALANILGAN ADABIYOTLAR RO‘YXATI 1. H.T.Omonov, N.X.Xo‘jaev, S.A.Madyarova, E.U.Eshsonov. Pedagogik texnologiyalar va pedagogik mahorot/ -T.: Iqtisod-moliya, 2009. 2. R.Ishmuhamedov, Abduqodirov, A.Pardaev. Ta’limda innavatsion texnologiyalar/ -T.: Iste’dod, 2008. 3. X.T.Omonov, N.X.Xo‘jaev, S.A.Madyarova, E.U.Eshchonov. Pedagogik texnologiyalar va pedagogik mahorat/-T.: 2002. 4. A.Umronxo‘jaev. Maktabda chizmachilik o‘qitish metodikasi/ -T.: O‘zbekiston, 2002. 5. F.Djumabaeva, N.So‘fixo‘jaev, Z.M.Turg‘unova. Talabalarning ijodiy fikrlashini rivojlantirish/-And.: 2002. 6. K.Turg‘unoboev, A.Rizaev. Zamonaviy pedagogik texnologiyalar/ -And.: 2008. 7. Innovatsion texnologiyalar yordamida ta’lim samaradorligini oshirish yo‘llari/ -T.: 2004. 8. A.Umronxo‘jaev. CHizmachilik (8-9-sinflar uchun darslik)/ -T.: O‘qituvchi,2006. 9. Ro`ziyev E.I., Latipov R.A. Chizmachilikdan ijodiy topshiriqlar (umumiy o`rta ta’lim maktablari o`qituvchilari uchun qo`llanma). Urganch, 2012.–60 b 10. Rixsiboyev T. “Kompyuter grafikasi”, T.: 2006 11. Rixsiboyev T. “Muhandislik grafikasi fanlarini o`qitish metodologiyasi”, T.: “Tafakkur qanoti” 2011 Download 488.46 Kb. Do'stlaringiz bilan baham: 
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||