Reje: Kirisw. Tiykarģi bòlim

1-statya. Nızamnıń maqseti

Bul nızam puqaralarǵa bilim, tárbiya beriw, kásip-óner úyretiwdiń huqıqıy tiykarların belgileydi hám hár bir adamnıń konstituciyalıq bilim alıw huqıqın támiyinlewge qaratılǵan.

2-statya. Bilimlendiriw haqqındaǵı nızam aktleri

Bilimlendiriw haqqındaǵı nızam aktleri usı Nızamnan hám basqa da Nızam hújjetlerinen ibarat. Eger Ózbekstan Respublikasınıń xalıqaralıq shártnamasında bilimlendiriw haqqındaǵı Nızam aktlerindegiden ózgeshe qádeler belgilengen bolsa, onda

xalıqaralıq shártnama rejeleri qollanıladı.

3-statya. Bilimlendiriw tarawındaǵı mámleketlik siyasattıń tiykarǵı principleri

Bilimlendiriw Qaraqalpaqstan Respublikasınıń jámiyetlik rawajlanıwında artıqmashlıqqa iye taraw dep járiyalanadı.

Bilimlendiriw tarawındaǵı mámleketlik siyasattıń tiykarǵı principleri tómendegilerden ibarat:

bilimlendiriw hám tárbiyanıń insanıylıq, demokratiyalıq sıpatta ekenligi;

bilimlendiriwdiń úzliksizligi hám izbe-izliligi;