ulıwma orta, orta arnawlı, kásip-texnikalıq bilim beriwdiń májbúriyligi; akademiyalıq liceyde yamasa kásip-óner kolledjinde orta arnawlı bilim alıwdıń ıqtıyarlılıǵı; bilimlendiriw sistemasınıń puqaralıq ekenligi; mámleketlik bilimlendiriw standartları sheginde bilim alıwdıń hámme ushın ashıqlıǵı; bilimlendiriw baǵdarlamaların tańlawda olardıń birden-bir hám differenciyalasqan kóz-qarasta bolıw shártliligi 16-statya. Kadrlardıń qánigeligin joqarılatıw hám olardı qayta tayarlaw Kadrlardıń qánigeligin joqarılatıw hám qayta tayarlaw olardıń kásiplik bilimlerin, kónikplelerin tereńlestiriwdi jáne jańalawdı támiyinleydi. Kadrlardıń mamanlıǵın arttırıw hám olardı qayta tayarlaw tártibi Qaraqalpaqstan Respublikası Ministrler Keńesi tárepinen belgilenedi. 17-statya. Mektepten tısqarı bilim beriw Balalardıń, óspirimlerdiń jeke tártiptegi talapların qanaatlandırıw, olardıń bos waqıtın hám dem alıwın támiyinlew maqsetinde mámleketlik uyımlar, jámiyetlik birlespeler, sonday aq basqa da yuridikalıq, fizikalıq tárepler olar ushın mádeniy-estetikalıq, ilimiy, texnikalıq, sport hám basqa da baǵdarlarda mektepten tısqarı bilimlendiriwdi shólkemlestiriw múmkin.
Do'stlaringiz bilan baham: |
