Китобхонлик эҳтиёжга айланмоғи зарур
“Китоб”, “китобхонлик”, “кутубхона” сўзларининг ўзаги аслида арабчадан олинган ва бир мақсадга, яъни инсон маънавиятини бойитишга хизмат қилади. Амир Темур “Китоб – барча бунёдкорлик, яратувчилик ва ақл-идрокнинг, илму донишнинг асосидир. Ҳаётни ўргатувчи мураббийдир”, дея уқтирган. Зиё нурига чўмган оиланинг фарзандлари, шубҳасиз, Ватанимиз келажаги, халқимиз ишончи ва таянчидир. Бу – бизнинг бугунги хулосамиз. Бироқ бундан ярим аср олдин оддийгина ишчи бўлган ота бепоён юртимизнинг энг чекка гўшасида жинчироқ ёруғида фарзандларига асрий асотирлару ардоқли адиблар асарларини ўқиб берганида хаёлидан нималар ўтган экан? Эҳтимол, китобнинг маънавият хазинаси эканини теран англагани учун ҳам, ишдан ҳориб-толиб келишига қарамасдан, китобхонликни канда қилмагандир. Балки, замон тўлқинларида сузувчи ва ўзининг қимматбаҳо юкини авлодлардан-авлодларга авайлаб элтувчи тафаккур кемалари бўлган китоблар кун келиб фарзандларини камолот соҳилига етказишини орзулагандир... Зеро, ёшлар тарбияси ва камолотида китобхонликнинг ўрни беқиёс.
Шубҳасиз, китоб ўқиш маънавий оламни бойитади, сўзлашув маданиятини оширади. Буюк аждодларимиздан қолган миллий бойлигимизни авайлаб-асраш, уларни ўрганиш ва афкор оммага тарғиб қилиш учун ҳам китоб ўқиш лозим. Кейинги йилларда китобхонлик ва китоб мутолаасига эътибор юксак даражага кўтарилди. Чунки Ўзбекистон Республикаси Президенти Шавкат Мирзиёев айтганидек, “Дунёдаги ҳар қайси давлат, ҳар қайси халқ биринчи навбатда ўзининг интеллектуал салоҳияти, юксак маънавияти билан қудратлидир. Бундай енгилмас куч манбаи эса аввало инсоният тафаккурининг буюк кашфиёти – китоб ва кутубхоналарда!”. Президентимиз ушбу сўзларни Туркияга қилган ташрифи чоғида катта минбардан туриб баралла айтдилар. Бир қарашда бу сўзлар жуда оддий, аммо шу билан бирга, асрлик маънавиятимизни ўзида мужассам эта олган. Шу сабабли ҳам юртбошимиз буни чуқур маъносини англаган ҳолда ҳукуматнинг бир неча қарор ва фармойишларига имзо чекдилар. Булардан, “Ўзбекистон Республикасининг Президентининг 2017 йил 12 январдаги “Китоб маҳсулотларини чоп этиш ва тарқатиш тизимини ривожлантириш, китоб мутолааси ва китобхонлик маданиятини ошириш ҳамда тарғибот қилиш бўйича комиссия тузиш тўғрисида”ги фармойиши, Ўзбекистон Республикасининг Президентининг 2017 йил 13 сентябрдаги “Китоб маҳсулотларини нашр этиш ва тарқатиш тизимини ривожлантириш, китоб мутолааси ва китобхонлик маданиятини ошириш ҳамда тарғиб қилиш бўйича комплекс чора-тадбирлар дастури тўғрисида”ги ПҚ-3271-сонли қарори, Ўзбекистон Республикасининг Президентининг 2020 йил 16 мартдаги
Do'stlaringiz bilan baham: |
