Республикаси олий ва ўрта махсус таълим вазирлиги

7.3. VoIP - технологияси

IP тармоқ орқали сўзлашув УТ архитектурасига ўтишдан аввал, VoIP технологияда амалга ошириладиган асосий жараёнларни кўриб чиқамиз.

VoIP тизими сўзлашув сигналига нисбатан, оддий телефон тармоқлари сингари функцияларни бажариши керак. Бу асосий функцияларга қуйидагилар киради:
- узатувчи томонда - аналог сўзлашувчи рақамли сигналга ўзгартириш ва рақамли сигнални тармоқ орқали узатиш учун зарур бўлган кўринишда тақдим этиш (IP тармоқ орқали); сўзлашув сигнали IP протоколи пакетларига инкапсуляцияланади;
-IP тармоқда - телефонли чақириқ хизмат кўрсатишини бошқариш (уланишни яратиш, сўзлашув алмашишни ушлаб тириш, узиш) ва пакетларни транспортлаш;
- қабул қилиш қисмида - қабул қилинган пакетлардан ва дискрет сигналдан аналог сўзлашувни қайта тиклаш.
7.3-расмда сўзлашув сигнали IP тармоқ орқали ўтгандаги қайта ишлаш жараёни келтирилган. Бу ерда блоклар кўринишида юқорида санаб ўтилган функциялар келтирилган - кодлаш, IP пакетлар кўринишида ифодалаш, тармоқ орқали пакетларни узатиш, пакетларни тақсимлаш ва аналог сўзлашув сигналини қайта тиклаш.
Чақириққа (уланиш, сўзлашув алмашишни ушлаб туриш ва узиш) хизмат кўрсатишни бошқариш. VoIP технологиясида телефон алоқасига ўхшаш бўйича абонентлар орасида уланишни ўрнатиш зарур. Бу сигнализация тизими билан амалга оширилади, яъни терминал қурилмаёрдамида тармоқда алоқада бўлади, чақириш хизмат кўрсатиш учун зарур бўлган тармоқ элементлари ишини координациялайди ва активлаштиради. VoIP тармоқда сигнализацияни тармоқ компонентлари орасида IP датаграммаларини алмашишни таъминлайди. Уланиш 2 та охирги пунклар орасида ўрнатилади.

7.3-расм. VoIP тармоқ орқали сўзлашув сигналини узатишда ишлов бериш

Бу пунктларни идентификацияси махсус маълумотлар базаси орқали ишлаб чиқилади. УФТ тармоғи сингари охирги пунктни идентификациялаш учун телефон номерлар қўлланилади. VoIP тармоғида ҳам бунинг учун маълумотлар базасида сақланувчи IP-адрес қўлланилади. VoIP датаграммасини транспортлаш IP маршрутизаторларида сўзлашув пакетларини кетма-кет қабул қилиш йўли орқали бажарилади.