Robototexnikanıń wazıypaları hám rawajlanıw tariyxı

SR nıń ólshew apparatı - basqarıw apparatı ushın robot hám sırtqı ortalıqqa tiyisli informaciyalardı jıynaydı. Xızmet kórsetiwshi sanaat robotı - járdemshi ótiw hám transportlıq operatsiyalardı orınlawshı robot bolıp tabıladı. Mısalı, júklewshi - júk túsiriwshi hám transport robotları.
Operatsion SR - texnologiyalıq operatsiyalar hám olardıń elementlerin, mısalı, kepserlew, jıynaw, boyaw hám uqsas operatsiyalardı orınlawshı robot bolıp tabıladı.
Islep shıǵarıwdı robotlastırıw - robotlardan keń kólemde paydalanıwshı jańa texnologiyalar, jańa úskenelerdi jaratıw hám islep shıǵarıwdı shólkemlestiriw hám basqarıw principlerin islep shıǵıw. SR ın programmalıq basqarıw - sanaat robotınıń atqarıw apparatı hám onıń menen islep atırǵan texnologiyalıq úskeneni avtomatikalıq basqarıw.
Jumısshı keńislik (orın) - SR nıń islew processinde robot manipulyatorı jumısshı organı hárekette bola alatuǵın keńislik. SR jumısshı zonasınıń geometriyalıq xarakteristikası - robot jumısshı zonasınıń sızıqlı yamasa múyeshlik ólshemleri, kese kesim maydanı ,kólemi, yamasa olardıń birgelikte alınǵan kompleksi.
SR nıń bazalıq koordinatalar sisteması - robot jumısshı zonasınıń geometriyalıq xarakteristikaları beriletuǵın koordinatalar sisteması. SR nıń háreketsheńlik dárejesi sanı - SR manipulyator kinematikalıq shınjırınıń erkinlik dárejesi sanı hám robot háreket apparatınıń erkinlik dárejesi sanı menen anıqlanadı.
SR nıń nominal júk kóteriw qábliyeti - islep shıǵarıw predmeti yamasa jumısshı ásbabınıń qısqıshlap, uslap turıwı múmkin bolǵan massasınıń eń úlken mánisi menen xarakterlenedi.
Jumısshı organınıń poziciyalastırıw qáteligi - jumısshı organ poziciyasınıń basqarıw programması tárepinen berilgen halına salıstırǵanda awısıwı. SR nıń poziciyalastırılǵan basqarılıwı - robot atqarıw apparatınıń háreketin waqıt boyınsha jumısshı keńislik noqatlarınıń aralarında qadaǵalanbaǵan halda sol noqatlardıń tártiplengen shekli izbe-izligi arqalı programmalastırılıwshı programmalıq basqarıw túri.