IV. O‘quv yili davomida “Mening kasbiy kareram”
to‘garagi faoliyatini tashkil etish
Ta’lim muassasasida psixologlar tomonidan “Mening kasbiy kareram” deb nomlangan to‘garakni O‘quvchilarni kasb-hunarga yo‘naltirish va pedagogik-psixologik respublika tashxis markazi tomonidan ishlab chiqilgan dasturlar va tavsiyalar asosida tashkil etiladi.
Ta’lim muassasasida kasb-hunarga yo‘naltirish to‘garagini tashkil etishdan asosiy maqsad o‘quvchilarni kelajakda o‘z hayot yo‘llarini tog‘ri belgilashlariga, o‘z qobiliyatlari, qiziqishlari va moyilliklarini hamda ijtimoiy ehtiyojlarini hisobga olgan holda kasb tanlashlariga ko‘maklashishdan iborat.
To‘garak mashg‘uloti mavzulari o‘quvchilarning kasbiy tasavvurlari, kasblar olami haqidagi bilim, ko‘nikma va malakalarini rivojlantirishga, kelajakda ongli kasb tanlashlariga, kasbiy tasavvurlarini oshirishga, o‘zi qabul qilgan qarorlar uchun mas’uliyatni xis qilishga, ijtimoiy, kasbiy o’zini anglashga, hayotiy istiqbollarni mustaqil va ongli ravishda tuzishga hamda ularni korreksiya qilishga, maktab hamda ijtimoiy muhitga moslasha olishiga yordam beradi.
Shuningdek, bitiruvchi sinf o‘quvchilari mustaqil va ongli ravishda tanlagan kasblarini egallashlari uchun kasb-hunar maktablari, kollej, texnikum, akademik litsey, o‘quv markazlari va oliy ta’lim muassasalariga to‘g‘ri yo‘naltirishga yordam beradi.
Do'stlaringiz bilan baham: |
