Рус тилидан узбек тилига таржима СЎровда қатнашиш учун оферта шартномаси ва акция қоидалари

---

Рус тилидан узбек тилига таржима 
 
СЎРОВДА ҚАТНАШИШ УЧУН ОФЕРТА ШАРТНОМАСИ ВА АКЦИЯ 
ҚОИДАЛАРИ 
 
 
1. Умумий қоидалар 
1.1. 
Мазкур оферта шартномаси шартноманинг барча муҳим шартларини ўз ичига 
олган бўлиб, Ўзбекистон Республикаси Фуқаролик кодексининг 367-моддаси ва 369-
моддаси иккинчи қисмига (кейинги ўринларда Оферта шартномаси деб юритилади) 
мувофиқ, оммавий оферта бўлиб, қуйида кўрсатилган шахсларга йўналтирилган.
1.2. 
Ушбу Оферта шартномаси Ўзбекистон Республикаси Халқ таълими вазирлиги 
ҳузуридаги Психологик-педагогик диагностика маркази (кейинги ўринларда ППДМ деб 
юритилади) Халқаро рақамли университет (“Digital University” МЧЖ, Ўзбекистон 
Республикаси қонунчилигига мувофиқ рўйхатдан ўтган юридик шахс, бундан кейин IDU 
деб юритилади) билан ҳамкорликда ташкил этилган Акция доирасида Сўровни қабул 
қилиш ва ўтказиш қоидалари, тартиби ҳамда бошқа муҳим шартларини тавсифлайди.
2. АТАМАЛАР 
 
2.1. 
Сўров- умумтаълим мактабларининг 10 ва 11-синф ўқувчиларига олий таълим 
муассасаларига киришдан олдин уларни касбий йўналтиришга кўмаклашишга қаратилган 
сўров. Сўров расмий веб-сайти-
www.javoblar.uz
 нинг техник воситаларидан фойдаланган 
ҳолда ўтказилди. Сўровда иштирок этиш учун, Сўров веб-сайтида рўйхатдан ўтиш орқали 
Номзоднинг шахсини аниқлаш ва у билан боғланиш имконини берувчи шахсий 
маълумотларни тақдим этиш талаб қилинади. Сўровдан ўтиш ушбу Оферта 
шартномасига мувофиқ IDU кўмагида ППДМ томонидан ташкил этилган Акцияда 
кейинги иштирок этиш учун зарурдир. 
2.2. 
Сўров ўтказиш муддати– 2022-йил 25-апрелдан 15-майгача бўлган вақт оралиғи, 
унда сўров саналари белгиланади. 
2.3. 
Сўров санаси– Сўров ўтказиладиган кун, уни ўтказиш санаси тўғрисидаги 
маълумотлар е 
www.javoblar.uz 
интернет сайтида жойлаштирилади ёки бошқача тарзда 
Номзодга маълум қилинади.
2.4.