Русс нашриётига сўз боши

Кутилмаган ҳайратомуз воқеа ҳақида афсона

---

 
Катта омад сизга бир сонияда келиб қолмайди. Сиз бир лаҳзада бойиб 
кета олмайсиз. Сиз шу қадар алоҳида эмассизки, бутун дунё бирданига бор 
диққатини қаратса. Сиз билан ҳеч кимнинг иши йўқ. Лоақал ҳозирча. Бундан 
фойдаланинг.
Албатта сиз бирортасига бир кечада омад кулиб боққани ҳақидаги 
воқеаларни эшитган бўлсангиз керак. Лекин бу воқеанинг ҳаммаси эмас. 
Агар улар ҳақида кўпроқ маълумот йиғсангиз, бунинг ортида йиллаб 
меҳнатлар турганини тушунасиз. Осмондан тушган омад эса, кўпинча қисқа 
умр кўради ёки асоссиз якун топади. 
Тўсатдан келган омад ҳақида орзу қилишдан воз кечинг. Бунинг ўрнига 
аста-секин ўйлаб қўйилган қадамлар билан муваффаққиятга эришишга 
ҳаракат қилинг. Сизни сизга керакли одамлар билишидан олдин, омадга 
еришиш йўли узоқ вақт олади. Бу йўл қийин лекин сабрли бўлиш керак. 
Эҳтимол сиз PR билан шуғулланувчи фирма ёллаб жараённи тезлаштиришни 
ўйлаётгандирсиз. Бундай қилишнинг кераги йўқ. Биринчидан бу жудда 
қиммат. Яхши PR-фирмалари ойига ўн минг доллардан кўпроқ сўрашади. Бу 
бошланғич босқичда пулни шунчаки ҳавога совуриш дегани.
Иккинчидан, сиз ҳали ўз қиёфасига эга бўлмаган, товарлари ҳақида ҳеч 
ким эшитмаган компаниясиз. Сиз билан кимнинг иши бор? Ким сиз 
ҳақингизда ёзади. Сиз ўзингиз ҳақингизда фақат мижозлар ва ҳақиқий тарих 
пайдо бўлгач гапириб беришни бошлайсиз. Шунчаки ишни бошлаш бу тарих 
эмас.
Эслаб қолинг: бўлажак буюк брендлар ҳар доим PR-компанияларнинг 
шов –шувларисиз иш бошлашган. Starbucks, Apple, Nike, Amazon.com, 
Google ва Snapple компаниялари PR-ёрдамининг кучи билан эмас, фақатгина 
вақт ўтиши билан таниқли, жиддий бренд бўлиб ўсиб борди.
Шу бугундан ўз аудиториянгизни кенгайтиришни бошланг. Одамларни 
ўз ҳикояларингиз билан қизиқтиришга урининг. Шу руҳда фаолият олиб 
боришда давом этинг. Ва бир неча йил ўтиб одамлар сизнинг “кутилмаган” 
омадингиз ҳақида муҳокама қилишганда шунчаки, кулиб қўясиз.