Sabaqtıń maqseti a Bilim beriwshilik

Klass:1 - klass

Pán atı: Ana tili

Waqtı: 45-minut

Tema:Zattıń kelbetin bildiretuǵın sózler. 1- 2-shınıǵıwlar.

Sabaqtıń maqseti.

a) Bilim beriwshilik: Oqıwshılar Zattıń kelbetin bildiretuǵın sózler haqqında keń túsinikke,bilimlerge iye boladı,bul temaǵa baylanıslı shınıǵıwlar orınlaw argalı sózdiń jazılıwı boyınsha kónlikpeler payda boladı.

b) Tárbiyalıq :Oqıwshılarda zattıń kelbetin bildiretuǵın sózlerdi turmızta durıs qollana alıw, háripten buwın,buwınnan sóz qurap, onı buwınǵa bólip,ekinshi qatarǵa ótkeiw ayırmashılıǵın biliw hár bir gáp kim yamasa ne haqqında aytılıp atırǵanın ańlaw uqıplılıqları qáliplesedi.Kitapların taza uslaw, partada durıs otırıp dıqqatın bir jerge jámlep ,tıńlawǵa tárbiyalanadı.

s) Rawajlandırıwshılıq: Oqıwshılardıń til baylıǵın ósiriwge baylanıslı shınǵıiwlardan paydalanıw arqalı oylawı rawajlanadı.

Qáliplestiriletuǵın jeke kompetenciya: Tıńlap túsiniw, pikirdi awızeki hám jazba túrde bayan etiw, oqıw.

Qáliplestiriletuǵın qosımsha kompetenciya: Shaxs sıpatında ózin-ózi rawajlandırıw. Sociyallıq belsendi puxaralıq. Ulıwma mádeniy.

Texnologiya: Kórsetpeli qurallar, súwretler tiykarında soraw-juwap.

Sabaqtı qurallandırıw: sabaqlıq, kórsetpeli qurallar

Sabaqtıń modeli:

1.	Shólkemlestiriw	2 minut
2.	Tapsırma soraw	6 minut
3	Ótilgen temanı bekkemlew	6 minut
4	Taza tema	15 minut
5	Bekkemlew	8 minut
6	Juwmaqlaw	3 minut
7	Bahalaw	3 minut
8	Úyge tapsırma beriw	2 minut

Sabaq túri: Jańa bilimlerdi beriw

Sabaq barısı:

Shólkemlestiriw: Klasqa kirip oqıwshılar menen sálemlesemen . Klastıń, tazalıǵına, taxtanıń tazalıǵına,por sıpırǵıshtıń bar joqlıǵına itibar beremen. Nawbetshi arqalı oqıwshılardıń qatnasın barlayman.

Úyge tapsırma soraw.Qala hám jer-suw atlarınıń jazılıwı. 6-shınıǵıw

Ótilgen temanı bekkemlew:

1.Qala h.m jer-suw atları qalay jazıladı?.

2.Olarǵa qanday sorawlar qoyıladı?.

3.Qala hám jer-suw atların bildiretuǵın sózlerge mısallar keltiriń?

Taxtaǵa sáne hám tema atın jazaman.

Tema:Zattıń kelbetin bildiretuǵın sózler.1-2-shınıǵıwlar.

Jaqsı, qızıl, semiz, kók, úlken, mazalı degen sózler zattıń kelbetin, túr- túsin hám dámin bildiredi. Olarǵa qanday? degen soraw qoyıladı.

1-shınıǵıw. Oqıń. Sulıw, biyik jay. Úlken kanal .Tereń kól. Qızıl sıya. Mazalı alma. Uzın aǵash. Semiz mal .
Sorawlarǵa juwap beriń hám kóshirip jazıń:

Jay qanday?

Kanal qanday?

Kól qanday?

Mal qanday?

Alma qanday?

Aǵash qanday?

Úlgi: Mal semiz. Jay sulıw, biyik.

Bekkemlew: 5-shınıǵıw orınlanıp tema boyınsha túsinigi bekkemlenedi.

2-shınıǵıw. Gúrrińdi oqıp shıǵıń, mazmunın aytıp beriń

Awılımızda úlken, biyik jaylar bar. Jaylardıń ishi keń,jaqtılı. Qalada jańa saray salındı. Biz onda qızıqlı kinofilimler tamashaladıq.

Úyge tapsırma: 3-shınıǵıw.