Самарканд аэропортида «Циклон-Авиа» хамкорликдаги

ЎЗБЕКИСТОН РЕСПУБЛИКАСИ


ПРЕЗИДЕНТИНИНГ
Қ А Р О Р И
2023 йил 20 январдаги ПҚ-10-сонли
“Ички ишлар органларини халқчил профессионал тузилмага айлантириш ва аҳоли билан янада яқин ҳамкорликда ишлашга йўналтириш бўйича қўшимча чора-тадбирлар тўғрисида”
“Ватанга ва халққа садоқат билан хизмат қилиш – олий бурчимиз!”


Ш.М.Мирзиёев
ИИВ Сурхондарё академик лицейи – 2023 йил


МУНДАРИЖА

№		Ҳолатлар	Варағи
1	Қарор	Ички ишлар органларини халқчил профессионал тузилмага айлантириш ва аҳоли билан янада яқин ҳамкорликда ишлашга йўналтириш бўйича қўшимча чора-тадбирлар тўғрисида	3-6
2	1-илова	Ички ишлар органлари ходимларининг касбий маданият ва хизмат интизоми кодекси	7-18
3	1-боб.	Умумий қоидалар	7
4	2-боб.	Ички ишлар органларида касбий маданият қоидалари	7
5	3-боб.	Ички ишлар органларида хизмат интизомига оид талаблар	9-10
6	4-боб.	ИИОда бошлиқлар ва ходимларнинг ўзаро муносабатлари	10-11
7	5-боб.	ИИОда касбий маданият ва хизмат интизомини таъминлаш	11-17
8	6-боб.	Бошлиқнинг ҳаракатлари устидан шикоят қилиш	17-18
9	2-илова	Ўзбекистон Республикаси ИИВ Маънавий-маърифий ишлар ва кадрлар билан таъминлаш департаменти тўғрисида Низом	19-29
10	1-боб.	Умумий қоидалар	19
11	2-боб.	Департаментнинг асосий вазифалари ва функциялари	19-25
12	3-боб.	Департаментнинг ҳуқуқлари, мажбуриятлари ва жавобгарлиги	25-26
13	4-боб.	Департамент фаолиятини ташкил этиш	26-29
14	5-боб.	Якунловчи қоидалар	29
15	3-илова	Ички ишлар органларида кадрлар салоҳияти даражасини ошириш бўйича комплекс чора-тадбирларнинг Йўл харитаси	30-39
16	4-илова	Ўзбекистон Республикаси Президентининг айрим қарорларига киритилаётган ўзгартириш ва қўшимчалар	40-44

ЎЗБЕКИСТОН РЕСПУБЛИКАСИ ПРЕЗИДЕНТИНИНГ
Қ А Р О Р И
2023 йил 20 январдаги ПҚ-10-сонли

“Ички ишлар органларини халқчил профессионал тузилмага айлантириш

ва аҳоли билан янада яқин ҳамкорликда ишлашга йўналтириш бўйича қўшимча чора-тадбирлар тўғрисида”

Ўзбекистон Республикаси Президентининг 2022 йил 28 январдаги

“2022-2026 йилларга мўлжалланган Янги Ўзбекистоннинг тараққиёт стратегияси тўғрисида”ги ПФ-60-сон Фармони ижросини таъминлаш, шунингдек, ички ишлар органларини аҳолининг ишончли ҳимоячиси сифатида халқчил профессионал тузилмага айлантириш, уларнинг фуқаролар, жамоат ташкилотлари ҳамда кенг жамоатчилик билан яқин ҳамкорликда, ўзаро ишонч ва ҳамжиҳатлик руҳида ишлашини таъминлаш, маҳаллалар, аҳоли турар жойлари ва бутун юртимизда қонун устуворлиги, тинчлик-осойишталикни янада мустаҳкамлаш мақсадида:
1. Қуйидаги асосий мақсадларга йўналтирилган Ички ишлар органлари ходимларининг касбий маданиятва хизмат интизоми кодекси (кейинги ўринларда – Кодекс) 1-иловага мувофиқ тасдиқлансин:
ички ишлар органлари ходимларини “Инсон қадри учун” тамойили асосида давлатнинг юксак маънавий-ахлоқий фазилатларга эга, ўз бурчига содиқ, ватанпарвар ва халқпарвар вакили этиб тарбиялаш орқали аҳолининг чинакам розилигига эришиш;
ички ишлар органлари ходимларида хизмат вазифаларига ҳалол, виждонан, Ватан ва халқ олдидаги бурчини чин дилдан ҳис этган ҳолда, юксак масъулият билан ёндашиш, жамиятда умумэътироф этилган одоб-ахлоқ нормаларига сўзсиз амал қилиш туйғусини шакллантириш;
ички ишлар органларида содир этилиши мумкин бўлган ножўя хатти-ҳаракатлар, суиистеъмолчилик ва коррупция ҳолатларининг барвақт олдини олиш, ҳуқуқ-тартибот тизими обрўсига салбий таъсир кўрсатувчи низоли вазиятларни юзага келтирмаслик.
Белгилансинки:
ички ишлар органларининг ҳар бир ходими Кодексда белгиланган қоида ва талабларни билиши, уларга қатъий ва сўзсиз амал қилиши мажбурий ҳисобланади;
Кодексда белгиланган қоида ва талабларга амал қилиш ходимнинг
хизмат фаолияти самарадорлиги ва хизмат интизомини баҳолашнинг асосий мезони ҳисобланади;