Sana: Fan: Milliy istiqlol g`oyasi va ma`naviyat asoslari Sinf

I. Tashkiliy qism.
a) salomlashish.
b) davomatni aniqlash.
II. О`tilgan mavzuni savol-javob asosida mustaxkamlash.

1. 
   O`zbek tilining davlat tili sifatidagi maqomi va uni rivojlantirishning huquqiy asoslari qaysi hujjatlarda belgilab qo`yilgan?
   
2. 
   Mamlakatimizda amalga oshirilayotgan islohotlar tilimiz rivojiga qanday ta`sir etmoqda?
   
3. 
   Tilimizni qadrlash, uning imkoniyatlaridan keng foydalanish uchun nima qilishimiz kerak?
   
4. 
   O`zbek tilining imkoniyatlari qaysi mumtoz asarlarda yaqqol namoyon bo`lgani to`g`risida gapiring.
   
5. 
   Til bilishning xosiyati haqida misollar asosida hikoya qiling.
   

III. Yangi mavzuning bayoni.


MILLIY VA UMUMBASHARIY QADRIYATLAR UYG`UNLIGI
Aziz o`quvchi, milliy g`oyamiz nega aynan «milliy» degan so`z bilan boshlanishi haqida o`ylab ko`rganmisiz? Yurtimiz hududida yashayotgan, millati, tili va dinidan qat`i nazar, barcha insonlarni yagona Vatan farzandlari sifatida birlashtirish, ularning ezgu orzu-intilish va manfaatlarini ifoda etish milliy g`oyamizning asosiy ma`no-mazmunini tashkil etgani uchun ham u «milliy» degan so`z bilan boshlanadi. Chunki «milliy» degan so`z faqat bir millatga cmas, balki bir hudud, bir mamlakatga mansublikni ham bildiradi. Shuning uchun ham ana shu yagona xalqning milliy qadriyatlari, umumbashariy qadriyatlar bilan uyg`unlashgan holda, bizning g`oyamizni yanada boyitib boradi.


Buni bilib oling!
Dunyoda o`ziga xos qadriyatlari bo`lmagan xalq yo`q. Milliy qadriyatlar ular mansub bo`lgan xalqning tarixi, yashash tarzi, tili, urf-odatlari, ma`naviyati hamda mada-niyati bilan uzviy bog`liq holda namoyon bo`ladi.
Bizning milliy g`oyamiz milliy an`ana va qadriyatlarimizni o`zida aks ettiradi, rivojlanib, takomillashib boradigan tizim sifa-lida, hayot taqozosiga ko`ra, ularni boyitish va rivojlantirishga xizmat qiladi. Bu jarayonda u jamiyatimizning pirovard maqsadla-rini inobatga oladi va quyidagi milliy xususiyatlami nazarda tutadi:

• 
  xalqimiz hayotida qadim-qadimdan jamoa bo`lib yashash ruhining ustunligi;
  
• 
  jamoa timsoli bo`lgan oila, mahalla, el-yurt tushunchalarining muqaddasligi;
  
• 
  ota-ona, mahalla-ko`y, umuman, jamoatga yuksak hurmat-e`tibor;
  
• 
  millatning o`lmas ruhi bo`lgan ona tiliga muhabbat;
  
• 
  kattaga hurmat va kichikka izzat;
  
• 
  mehr-muhabbat, go`zallik va nafosat, hayot abadiyligining ramzi - ayol zotiga ehtirom;
  
• 
  sabr-bardosh va mehnatsevarlik;
  
• 
  halollik, mehr-oqibat va hokazo.