Saodat toxirovna toshaliyeva r e k r u t m e n t

13.5. Lizing agentliklari 
 
Ushbu turdagi ishga qabul qilish agentligi MDH davlatlarida endi 
paydo bo‘lmoqda, garchi bu xizmat turi dunyoda azaldan keng tarqalgan 
bo‘lsada. Kadrlar lizingining mohiyati buyurtmachi tomonidan yollanma 
mehnatdan vaqtincha foydalanishdan iborat. Aniqrog’i, yangi ishga qabul 
qilingan xodim lizing agentligi bilan mehnat munosabatlarida bo‘lib, lizing 
agentligi esa o‘z navbatida uni buyurtmachi kompaniyaga foydalanish 
uchun ijara huquqlari asosida o‘tkazadi. Shu bilan birga, buyurtmachi 
kompaniya xodim bilan har qanday yangi shartnomaviy munosabatlarni 
o‘rnatmaydi va tegishli ravishda uning oldida hech qanday majburiyatlarni 
o‘z zimmasiga olmaydi. Ishga yollangan xodimlardan foydalanish bo‘yicha 
barcha hisob-kitoblar lizing kompaniyasi bilan amalga oshiriladi. Shunday 
qilib, ushbu turdagi lizing xizmatlarining buyurtmachisi bo‘lgan 
kompaniyalar o‘zining vaqtinchalik vazifalarini / loyihalarini amalga 
oshirish uchun malakali xodimni tezda jalb qilish imkoniyatini qo‘lga 
kiritadi. 
Ishga qabul qilish agentliklari xizmatlarining ushbu turi, shuningdek, 
nomzodlarni izlash va baholashda vaqtni tejash, kompaniyaning kadrlar 
xizmatini xodimlarni ro‘yxatga olish bilan bog'liq ma'muriy va hujjat 
ishlaridan bo‘shatish, kadrlar ro‘yxati hajmini qisqartirish, ish haqi 

---

201 
xarajatlarini kamaytirish, kompensatsiya paketlari narxini pasaytirish, 
xodimlar oldidagi qonuniy javobgarlikning sezilarli darajada kamaytirish, 
agar ular biron bir sababga ko‘ra mos kelmasa, xodimlarni o‘zgartirish 
imkoniyati, kasal bo‘lgan yoki ta'tilda bo‘lgan xodimni almashtirish, agar 
mijoz xodimning bir yillik ishidan so‘ng o‘z shtatiga o‘tkazishga qaror qilsa 
ishga qabul qilish xarajatlarini kamaytirish zarur bo‘lganda ham 
qo‘llaniladi.