Saodat toxirovna toshaliyeva r e k r u t m e n t

6.4. Nomzodlarni baholash: asosiy vositalar 
 
Turli xil baholash vositalari, masalan, testlar, anketalar, suhbatlar, 
mashg'ulotlar va biznes keyslar rekruterga: birinchidan, nomzodning 
professional va shaxsiy fazilatlari to‘g'risida to‘liq tasavvur hosil qilish; 
ikkinchidan, uning kuchli / zaif tomonlari to‘g'risida qo‘shimcha tasdiq 
olish; uchinchidan, yuzaga kelgan shubhalarni qo‘llab-quvvatlash yoki rad 
etish; to‘rtinchidan, tanlov xatolarining xavfini minimallashtirishda yordam 
beradi. 
Yakka baholash (assessment). U yuqori menejerlarni baholash yoki 
o‘rta darajadagi muhim lavozimlar uchun individual xodimlarni baholash 
uchun ishlatiladi. Ular nafaqat yangi xodimni tanlashda, balki xodimlarni 
boshqa joyga ko‘chirishda, rivojlanishning individual dasturini ishlab 
chiqishda, kompaniyaning ichki yoki tashqi boshqaruv aktivini 
shakllantirishda ham assessmentga murojaat qilishadi. 

---

102 
Individual assessmentning maqsadi ma'lum bir kasbiy faoliyatda o‘z 
resurslari va potentsialidan samarali foydalanish uchun insonning asosiy 
shaxsiy fazilatlari va xususiyatlarini aniqlashdir. 
Texnologik jihatdan individual assessment bu baholash maqsadlariga 
qarab boshqa vositalar bilan to‘ldirilgan kompetentsiyalar bo‘yicha 
suhbatdir. Suhbatdan oldin, kompaniya vakili bilan nomzod tashkilot 
strategiyasining bir qismi sifatida hal qilinishi kerak bo‘lgan vazifalarni va 
buning uchun zarur bo‘lgan xususiyatlarni batafsil muhokama qilish kerak. 
Baholash natijalariga ko‘ra, mijozga hisobot shaklida batafsil teskari 
aloqa taqdim etiladi, unda quyidagilar mavjud: 
- kompetentsiyalarning tavsifi va ularning ballarda baholanishi; 
- ushbu lavozimga nomzodning kuchli va zaif tomonlari; 
- nomzodni ushbu kompaniyada ushbu lavozimda ishlashga 
motivatsiyasi; 
- nomzodning kommunikativ, intellektual va etakchilik fazilatlari 
tavsifi; 
- nomzodning rivojlanish va o‘qishga bo‘lgan ehtiyojlari; 
- xulosalar va tavsiyalar.