Савол: Сиз менга Берунийнинг қўлида нима тасвирланганлигини ёзиб беринг. Жавоб

1-тур

1. 2009-йил Эрон томонидан Венадаги Бирлашган Миллатлар Ташкилоти бўлимига совға қилинган ҳайкалда машхур олимлар тасвирланган. Қизиқарли томони, ҳайкаллар орасида бобокалонимиз Беруний ҳам бўлиб, унинг қўлида бир предмет тасвирланган.

Савол: Сиз менга Берунийнинг қўлида нима тасвирланганлигини ёзиб беринг.
Жавоб: Глобус.
Изоҳ: Америка ҳақида Колумбдан 500 йил илгари фикр билдирган Беруний қўлида глобус тасвирланган эди.

2. Ангрен марказида шаҳар асосчиси Грегорий Чикризовга атаб ҳайкал ўрнатилган. Ҳайкал бутунлай оқ рангда, фақатгина ҳайкалнинг бурни бошқа рангда тасвирланган.

Савол: Сиз менга бурни қанақа рангда эканлигини эмас, у нимани англатишини ёзиб беринг.
Жавоб: Шаҳарда жойлашган саноат кони бўлган – кўмирни ифодалайди.
Изоҳ: Ангрен Ўзбекистондаги саноат шаҳарларидан бири ҳисобланади ва у ерда Республикадаги асосий кўмир кони мавжуд. Ҳайкалнинг бурни қора рангда тасвирланган ва бу кўмирни англатади.

3. 19 асрда Чикаго шаҳрида баландлиги 2 метр келадиган велосипедлар бир соҳа вакилларига шаҳар маъмурияти томонидан тарқатилади ва бундай велосипедлар бир касб вакилларини ишини енгил қилади. Гап шундаки, бу касб эгалари бундан сўнг кўчма нарвонлардан фойдаланмай, велосипеддан тушмасдан ўз ишларини амалга оширишган. Ойбекнинг бир ҳикоясида ушбу касб билан шуғулланадиган қария ҳусусида кетади.

Савол: УШБУ касбни ёзиб беринг.
Жавоб: Фонарчилар.
Изоҳ: Баланд велосипедлар куйган фонар чироқларини алмаштириш учун қулайлик яратади. Ойбекнинг эса “Фонарчи ота” номли ҳикояси мавжуд.

4. Айтишларича, Европада Авиценна номи билан машҳур бўлган бобомиз Ибн Сино 10 ёшида УНИ ёддан билганлиги билан тенгдошларидан ажралиб турган. Ўсиб бораётган статистикага ишонадиган бўлсак 2100 йилга келиб, Европанинг ҳар тўртинчи одами У билан таниш бўлар экан.

Савол: Сиз менга УНИ ёзиб беринг.