Seminar mavzusi : madaniyat va san’at muassasalari moliyasi funksiyasi, vazifalari va uning xususiyatlari

---

 
 
 
SEMINAR MAVZUSI : MADANIYAT VA SAN’AT MUASSASALARI 
MOLIYASI FUNKSIYASI, VAZIFALARI VA UNING XUSUSIYATLARI. 
 
SEMINAR REJASI: 
1.Madaniyat va san’at muassasalari moliyasining iqtisodiy mohiyati va 
uning funksiyasi hamda asosiy vazifalari
2.Madaniyat va san’at muassasalari moliyasini direktiv va bozor 
munosabatlari sharoitidagi nodirektiv xarakterdagi boshqarish usullari 
3.Tijorat asosida faoliyat yurituvchi madaniyat va san’at muassasalari 
tashkilotlari faoliyati 
4.Madaniyat va san’at muassasalarini notijorat faoliyatga asoslangan 
muassasalar va tashkilotlar moliyasining xususiyatlari 
XULOSA VA TAKLIFLAR
 
SEMINAR MAQSADI: madaniy faoliyat va uning doirasida yuritiladigan 
maqsad va vazifalar, vakolatlar, huquq va majburiyatlar aniq ifodalash, 
tushuntirish. 
Prezidentimiz tomonidan joriy yil 20-yanvar kuni “Madaniy faoliyat va 
madaniyat tashkilotlari toʻgʻrisida” gi Qonun imzolandi. Qayd etish joiz, ushbu 
hujjatda madaniy faoliyat va uning doirasida yuritiladigan maqsad va vazifalar, 
vakolatlar, huquq va majburiyatlar aniq ifodalandi. Vazirlar Mahkamasi, 
Madaniyat vazirligi, Axborot va ommaviy kommunikatsiyalar agentligi, 
“Oʻzbekkino” Milliy agentligi, mahalliy hokimliklarning madaniy faoliyat 
sohasidagi vakolatlari hamda vazifalari aniq ajratilgan holda belgilandi. 
Qonunning “Asosiy tushunchalar” nomli bobida “ijodkor”, “ijodiy jamoa”, 
“ijodiy faoliyat”, “madaniy tadbirlar”, “madaniy tadbir tashkilotchisi”, 
“madaniyat xodimi” singari tushunchalarga atroflicha yuridik taʼrif berildi. 

---

Maʼlumki, madaniy faoliyat sohasida oʻtkazilgan turli tekshiruvlar jarayonida 
soha faoliyatiga tegishli xodimlarning mehnat faoliyatini toʻgʻri baholash bilan 
bogʻliq tushunmovchiliklar va noaniqliklar mavjud boʻlib, sohaning aniq 
maqsadlarini belgilash borasida qiyinchiliklar yuz bergan. Endilikda qonun bilan 
belgilab qoʻyilgan vakolatlar taʼrifi madaniy sohaga nisbatan huquqiy 
munosabatning obyektivlashuvini taʼminlab berishga xizmat qiladi. 
Madaniy faoliyatda sanʼat sohasining koʻplab yoʻnalishlarini toʻliq 
qamrash, ularning faoliyatini toʻgʻri baholash maqsadida soha mutaxassislarining 
maslahat organi boʻlgan tarmoq badiiy kengashlarini tuzishga muhtojlik mavjud. 
Endilikda tasarrufida madaniyat tashkilotlari boʻlgan davlat organlari va 
tashkilotlar, shuningdek, madaniyat tashkilotlari tomonidan teatr, musiqa va 
konsert faoliyati, sirk sanʼati va tasviriy sanʼat, arxitektura va dizayn boʻyicha 
tarmoq badiiy kengashlarini tashkil etish huquqi qonun bilan mustahkamlandi. 
Tarmoqlarga oid badiiy kengashlar tarkibiga, qoida tariqasida, taniqli ijodkorlar, 
madaniyat 
xodimlari, 
olimlar, 
mutaxassislar, 
madaniyat 
tashkilotlari 
assotsiatsiyalarining (uyushmalarining) vakillari kirishi mumkin ekanligi 
toʻgʻrisidagi qonuniy norma kiritildi. 
Shuningdek, fuqarolar va ijodkorlarning madaniy faoliyat sohasidagi mulk 
huquqi, mualliflik huquqi va turdosh huquqlar, ijod natijalarini olib chiqish va olib 
kirish huquqi, ularning oʻziga xos xususiyatlari qonunda koʻrsatib qoʻyildi. 
Mazkur Qonunda Madaniyat vazirligiga davlat-xususiy sherikchilik asosida 
ishlarni joriy etish masalalari ham koʻtarildi. Madaniyat va sanʼat 
muassasalarining tadbirkorlarga davlat-xususiy sherikchilik asosida berilishi