Шарипов Шавкат Сафарович

Ижодий фикрлаш ва ижодкорлик масалалари. Ижодкорлик

фаолияти жараёнида инсондаги ижодий фикрлаш қоилияти шаклланади ва ривожланади. Нима деб ўйлайсиз, ижодий фикрлаш нима? Агар шахс қуйидаги мантиқий операциялар: тизимлар ва уларнинг элементларини комбинациялаш, сабаб-оқибат боғлиқликларини аниқлаш, тадқиқот операцияларини бажаришга қодир бўлса, ижодий фикрлай олиши психологияда исботланган. Ўқувчиларда ижодий фикрлашнинг

ривожланиши улар ёрдамида ҳар бир гуруҳда мантиқий лаёқатлар шаклланадиган ва ривожланадиган ижодкорлик масалаларини ечиш методларига ўқитиш жараёнида амалга оширилади. Бироқ ижодкорлик масалалари нима? Ижодкорлик масалалари – бу бажариш учун ўрганилган қоидаларни ўзгартириш ёки мустақил равишда янги қоидалар тузиш талаб этиладиган ва натижада субъектив ёки объектив янги тизимлар – маълумот, конструкциялар, моддалар, ҳодисалар, санъат асарлари яратиладиган масала. Ижодкорлик назариясида ижодкорлик масаласи тушунчаси билан бир қаторда тадқиқотчилик масаласи ҳам мавжуд. Тадқиқотчилик масаласи – бу ҳал қилиш учун бир неча тадқиқотчилик операцияларини бажариш зарур

бўлган ижодкорлик масаласи.
Шундай қилиб, ўқувчиларда ижодий фикрлашни ривожлантириш учун алоҳида ижодкорлик масалалари эмас, балки бажариш жараёнида ўқувчиларда юқорида кўрсатилган гуруҳлардаги мантиқий операциялар шаклланадиган ва ривожланадиган ижодкорлик масалалари тизими зарур. Ижодкорлик масалалари тизими ҳар бир мавзу, ҳар бир мактаб дарслигида ўқув фаолиятининг асоси бўлиши зарур. Ижодкорлик маслалалари тизимини қуйидаги мантиқий операция турлари ва гуруҳлари ташкил этади.

9. 
   Тизимларни ва уларнинг элементларини комбинациялаш масалалари. Тизимдан бир ёки бир неча элементни ажратиш; элементлар ва тизимларни тенглаштириш; элементларни тизимлаштириш; элементларни ўзгартириш; элементларни тизимга киритиш; конструкциялаш; лойиҳалаш; элементлар ва тизимлар классификацияси; тизимнинг структурали- функционал ресурслари таҳлили.