Shavkat Mirziyoyev

II.ASOSIY QISM.

2. 1. RIVOJLANTIRUVCHI TA’LIM BERISHNING PEDAGOGIK – PSIXOLOGIK ASOSLARI.

O’zbekiston Respublikasi «Kadrlar tayyorlash milliy dasturi»da o’quvchilarning bilim va dunyo qarashini ta’lim – tarbiya jarayonida rivojlantirib borishga katta e’tibor beriladi: «O’quvchilarning imkoniyatlari va qiziqishlarini hisobga olgan holda ularning jadal intellektual rivojlanishi chuqur, sohalashtirilgan, tabaqalashtirilgan, kasbga yo’naltirilgan, ta’lim olishni ta’minlaydi». Shuning uchun o’quv jarayonida rivojlantiruvchi ta’limni amalga oshirish, islohatning asosiy vazifalaridan biri hisoblanadi.

Bilimlarni to’la qonli o’zlashtirishni ta’minlovchi va o’quvchilarning aqliy rivojlanishiga ijobiy ta’sir etuvchi o’qitishga rivojlantiruvchi o’qitish deyiladi. O’qitishning rivojlantiruvchi funktsiyasini amalga oshirish uchun har bir o’quvchining ongiga borib etuvchi kimyoviy ta’lim mazmunini bayon qilishning alohida metodikasini ishlab chiqish zarur bo’ladi.

Rivojlantiruvchi o’qitishning asosiy ta’limotlari quyidagilardir.

1. O’qitishni o’quvchilarning kuchi darajasida yuqori saviyada tashkil qilish;

2. O’quv materialini o’quvchilarga tushunarli darajada tezroq o’rganish;

3. Nazariy bilim hissalarini ko’paytirish.

4. Ta’limni ongli o’zlashtirilishini amalga oshirish.

O’quvchilarni fikrlash qobiliyatining rivojlanishi ularning ta’lim jarayonidagi faolligi va dars jarayonini faol olib borish natijasida yuzaga keladi.

Rivojlantiruvchi o’qitishning psixologik sharoitlari quyidagalardan iborat:

1) Kimyoviy bilimlarni shakllantirish va rivojlantirishda bilimlarni ongli o’zlashtirilishini ta’minlovchi o’qitish metodlaridan foydalanish.

2) Intellektual ko’nikmalarni shakllantirish va rivojlantishda modda xossalarni solishtirish, analiz va sintez qilish yordamida o’quvchilarni mantiqiy fikrlashga o’rgatish.

3) Masalalar yechish orqali mantiqiy fikrlashni shakllantirish va rivojlantirish

4) Asosiylarini ajratish va umumlashtirish ko’nikmasiga ega bo’lishi.