Shomanay rayonlıq xalıq bilimlendiriw bólimine qaraslı Bárkamal áwlad balalar mektebiniń májilisi bayanlamas í 03-iyun 2022-jıl

Shomanay rayonlıq xalıq bilimlendiriw bólimine qaraslı Bárkamal áwlad balalar mektebiniń májilisi
B A Y A N L A M A S Í
03-iyun 2022-jıl

Basshılıq etiwshi:		Bárkamal áwlad balalar mektebiniń direktorı w.w.a O.Utepov
Qatnasqanlar:		Shomanay rayonı XBB xizmetkeri Q.Jumabaev Bárkamal áwlad balalar mektebinde islewshi xizmetkerler

K Ú N T Á R T I B I N D E:

Shomanay rayonı Prokuraturasınıń 2022-jıl 28-maydaǵı 9/5-41444/22-sanlı usınısın dodalaw haqqında.

Kún tártibindegi másele boyınsha májilisti Shomanay rayonlıq Xalıq bilimlendiriw bólimine qaraslı Bárkamal áwlad balalar mektebiniń direktorı w.w.a O.Utepov ashtı hám alıp bardı.
Shomanay rayonı Shomanay rayonı XBB xizmetkeri Q.Jumabaev rayon prokuraturasınıń 2022-jıl 28-maydaǵı 9/5-41444/22-sanlı usınısın májilis qatnasıwshılarına oqıp esittirdi.
Ol óz sózinde Shomanay rayonı prokuraturası tárepinen rayonlıq xalıq bilimlendiriw bólimine qaraslı “Barkamal áwlad” balalar mektebinde Ozbekstan Respublikasınıń “Bilimlendiriw haqqında”ǵı, “Jas óspirimler ortasında baqlawsızlıq hám huqıqbuzarlıqlar profilaktikası haqqında”ǵı, “Xalıq bántligi haqqında”ǵı hámde Miynet kodeksi talaplarınıń orınlanıwı júzesinen ótkerilgen tekseriwde bir qansha nızam buzılıwshılıqlar anıqlanǵanlıǵın aytıp ótti.
Atap aytqanda, Sabaq kestesi boyınsha dógerek aǵzaları qatnası úyrenilgende “Logika” dógeregine 10 oqıwshıdan 6 oqıwshı, “Ximiya” dógeregi 10 oqıwshıdan 6 oqıwshı, “Suwretlew óenri” 10 oqıwshıdan 6 oqıwshı, “Logika” dógeregi 10 oqıwshıdan 6 oqıwshı “Mental arifmetika” 10 oqıwshıdan 6 oqıwshı, “Stol tennisi” dógeregi 11 oqıwshıdan 4 oqıwshı bar ekenligi anıqlanǵan.
Jas áwladlardı jetik insan etip tárbiyalaw, olardıń bos waqıtların mazmunlı ótkeriwdi támiynlew, olardıń sanaat, sport, axborot texnologiyaları, kitap oqıtıwǵa qızıǵıwshılıqtı asırıw hámde qızlardı sociallıq turmısqa tayarlaw baǵdarları boyınsha shólkemlestiriw jumısları boyınsha mektepte sanaat baǵdarında ayaq oyın, súwretlew óneri, jurnalistika, axborot-texnologiyaları baǵdarında-kompyuter dizayn hám grafikası, robototexnika hám konstruktorlıq, kitap oqıwǵa qızıǵıwshılıq baǵdarında–jas jurnalistika, qızlardı sociallıq turmısqa tayarlaw boyınsha-jas kandalat, pishiw-tigiw, toqıw, zardozlıq, kesteshilik, shashtárezshilik, monshaqlı bezek, jumsaq oyınshıqlar boyınsha dógerekler shólkemlestirilgen, biraq, mektepte sport zal joqlıǵı, inventarlar menen támiynlenbegenligi sebepli sport baǵdarı boyınsha tekǵana “Stol tennisi” hám “Shaxmat shashka” dógerekleri shólkemlestirilgen.
Sonıń menen birge, Balalar hám bilimlendiriw turizmin rawajlandırıwǵa qaratılǵan joybarlar islep shıǵılmaǵan.
Mektepte “ZiyoNET”tarmaqlarına mekteptegi islep turǵan 10 kompyuter tolıǵı menen jalǵanǵan. Dógerek basshılar ZiyoNET” tarmaqlarınan sabaq processinde paydalanıp kelmekte.
Mektepte pullı xızmetler kórsetiw, imarat hám tiykarǵı qurallardı ijaraǵa beriw, ońlaw jumısları hám basqada maqsetli qarjılardı jıynalıwınıń nızam tiykarında alıp barılǵanlıǵı úyrenilgende:
Ózbekistan Respublikası “Bárkamal áwlad” balalar mektebi haqqındaǵı nızamınıń 7-babında hám Ministrler Kabinetiniń 27.05.2021-jıldaǵı qarardın 4-qosımshasında oqıwshı jaslardın kórkem jumısların eń jaydırıw sol qatarda dunya bazarına milliy dástúrlerimiz tiykarında mekteptiń dógerek aǵzaları tárepinen jaratılǵan qol miynetlerin alıp shıǵıw maqsetinde “ART shop” elektron dúkanları arqalı jáhan bazarına alıp shıǵıw kórsetilgen, biraq “Barkamal áwlad” balalar mektebinde bul jumıslar alıp barılmaǵan.
Sonday-aq, orayda 2020-2021 oqıw jılıanan baslap “STEAM” biliminiń engizilgenligi hám eń jaydırıw boyınsha “Barkamal áwlad” balalar mektebinde hesh qanday jumıslar alıp barılmaǵan.
Bunnan tısqarı, oqıwshılarda buyrıq tiykarında dógereklerge tartıw hám dógerekten shıǵarıw boyınsha “Barkamal áwlad” balalar mektebi tárepinen júritilip barılǵan (kiris shıǵıs) jurnalında qáte kemshiliklerge jol qoyılǵan bolıp, atap aytqanda oqıwshılardı dógerekke qabılllaw hám shetletiw haqqında buyrıqlar shıǵarılǵan biraq mektep direktorı tárepinen 2022-jıl 16-aprel kúninen keyin tastıyıqlanbaǵan.
Sonın menen birge, dógerek shınıǵıwları talıqlaw, rawajlanıwdan artta qalıp baratırǵan dógerekler jumısın kúsheytiwge qaratılǵan is-ilájlardı ámelge asırıw boyınsha mektepte ulıwma jumıs alıp barılmastan óz xalına taslap qoyılǵan.
Mámleket múlki byudjet qárejetlerinen maqsetli paydalanıw, bul boyınsha qarjı bólimi tárepinen úyrenilgen tekseriwler hám kórilgen ilajlardıń nızam tiykarında alıp barılǵanlıǵı hámde Ózbekstan Respublikası Ádillik Ministrliginin 2003-jıl 27-may kúni 1245-sanı menen dizimge alınǵan «Tovar materiallıq baylıqlardı isenim qaǵazlar boyınsha alıw hám olardı isenim qaǵazlar boyınsha beriw haqqında»ǵı Nızam talaplarınıń orınlanıwı boyınsha, materiallıq juwapkershilikli xızmetkerlerdiń juwapkershigine berilgen isenim qaǵazlardı dizimge alıw ushın buxgalteriya tárepinen arnawlı bolǵan isenim kitabı júrgizilmegen.
“Barkamal áwlad” balalar mektebi buxgalteriyası tárepinen islewshi xızmetkerlerge is-haqı hám oǵan teńlestirilgen tólemlerdiń esaplanıwı hám tiyisli xızmetkerlerdiń májbúriy tólemler, sonday-aq basqada uslanbalardıń uslanıwları ushın is-haqı esaplaw kitabı júrgizilmegen.
Bas esapshı tárepinen usınılǵan maǵlıwmat boyınsha mektepte islewshi xızmetkerlerge is haqı hám oǵan teńlestirilgen tólemleriniń esaplanǵanı hámde olardan májburiy tólemler hám basqada uslanbalardıń durıs uslanıp tóleniwi boyınsha 2021 jıl 1-iyul kúninen 2022 jıl 1-may kúnleri aralıǵında jámi 1.717.235,0 swm qáte kemshilik anıqlanıp, sonnan májbúriy tólemlerdi shegirgennen soӊ 1.493.994,0 swm artıqsha esaplanıp tólep berilgenligi anıqlandı.
Atap aytqanda, Orta maǵlıwmatlı dógerek basshısı lawazımında islewshi B.Toreniyazovaǵa 231.804,0 swm rayon koefficienti esaplanıw ornına buxgalteriya tárepinen 263.842,0 swm esaplanıp, sonnan májbúriy tólemlerdi shegirgennen soń qolına 27.873 swm artıq esaplanıp tólengen.
Bunnan tısqarı, Ózbekstan Respublikası Ádillik Ministrliginen 1995-jıl 20-sentyabr kúngi 177-sanı menen dizimnen ótken Ózbekstan Respublikası Finans ministriniń 1995-jıl 8-sentyabr kúngi shıǵarılǵan nızamı talaplarınıń orınlanıwı boyınsha jámi 2 jaǵdayda 2 xızmetkerge 1 702.023 sum muǵdarındaǵı byudjet pul qarjıların rastrata qılıw jolı menen az muǵdarda talan taraj qılǵan.
Atap aytqanda, Ózbekstan Respublikası Ministrler Kabinetiniń 27.05.2021-jıldaǵı
331-sanlı qararına tiykar mektep direktorı hám onın orınbasarların lawazımǵa tayınlaw hám lawazımnan azat qılıw hámde buyrıqlar Xalq tálim bólimi tárepinen qabıl qılınadı dep kórsetilgen. Biraq soǵan qaramastan rayon “Barkamal áwlat” balalar mektebiniń
11.12.2021-jıldaǵı 97-sanlı buyrıǵına tiykar “Jana jıl” bayramı múnásebeti menen direktor wazıypasın atqarıwshı Otepov Orınbay Yusupbaevich bir aylıq is haqı muǵdarında xoshametlengen. Otepov Orinbay Yusupbaevichke tiykarsız 2021-jıl dekabr ayına 1878005 sum is haqı tólengen. Sonnan májbúriy tólemlerdi alıp taslanǵanda 1 633 864 sum muǵdarında xoshamet pulı alınǵanlıǵı anıqlandı.
Sonın menen birge, “Barkamal áwlat” balalar mektebiniń dógerek basshısı lawazımında islewshi B.Xudaybergenova 2021-jıl 29-iyun kúninen 6-iyul kúni aralıǵında den sawlıǵına baylanıslı awırıp kesellengen, biraq soǵan qaramastan haqı tólengen. Yaǵnıy 78344 swm is haqı artıq tólep berilgenligi anıqlandı. Sonnan májbúriy tólemlerdi alıp taslanǵanda 68 159 swm muǵdarında artıq tólep berilgen.
Joqarıdaǵı nızam buzılıwlarınıń kelip shıǵıwına “Bilimlendiriw haqqında”ǵı,
“Jas óspirimler ortasında baqlawsızlıq hám huqıqbuzarlıqlar profilaktikası haqqında”ǵı, “Xalıq bantligi haqqında”ǵı hámde Miynet kodeksi talapları menen belgilengen wazıypalar lazım dárejede orınlanbaǵanlıǵı, sonday-aq juwapker shaxslardıń moynına júkletilgen wazıypalardıń orınlanıwına itibarsızlıq ham nemquraylıq penen qarap kelgenligi sebep bolǵan.
Aytıp ótilgen nızamshılıq talaplarınıń buzılıwı jaǵdaylarınıń aldın alıw sharaların kórmew bolsa, puqaralardıń huqıqları yamasa nızam menen qorǵalatuǵın máplerine, mámleket hám jámiyet máplerine zıyan jetkeriw hámde sol sıyaqlı unamsız jaǵdaylardı keltirip shıǵarıwı anıqlanǵan.
Bunnan basqada májilis qatnasıwshıları joqarıda sóz etilgen halatlar boyınsha óz pikir hám usınısların bildirip ótti.
Kún tártibindegi másele boyınsha bildirilgen pikir hám usınıslardı esapqa alǵan halda, Shomanay rayonlıq xalıq bilimlendiriw bólimine qaraslı Bárkamal áwlad balalar mektebiniń májlisi