Шу сабабли, урта мактаб программасида билимларни фактлар асосида урганиш ва уни тахлил килиш, фактларнинг келиб чикиш сабабларини аниклаш аналогларни чогиштириб куриш назарда тутилади

19-лаборатория иши
Оқсилларнинг рангли реакциялари
Кутилаётган натижа
Билим: Оқсилларнинг сифат реакцияларини ўзлаштирадилар .
Кўникма: Оқсиллар мавжудлигини исботловчи тажрибаларни бажаради
Малака: Эритмаларда оқсилларни аниқлайди.


Биурет реакцияси
Пробиркага 2-3 мл оқсил эритмаси қуйинг ва унинг устига бир неча мл натрий гидроксид эритмасидан, сўнгра озгина мис (II)-сульфат эритмасидан қўшинг.
Ксантопротеин реакцияси
Пробиркага 2-3 мл оқсил эритмаси қуйиб, устига 0,5-1 консентрланган нитрат кислота эритмасидан қўшинг (бу ишни эҳтиёткорлик билан бажаринг).
Мустақил хулоса учун топшириқ
1.Озиқ-овқат маҳсулотларида оқсил борлигини қандай исботлаш мумкин?
2.Оқсиллар билан бажарилган рангли реакция моҳияти нимадан иборат?
20-лаборатория иши
Табиий ва сунъий толаларнинг намуналари билан таништириш
“Толалар” намуналарини кўриб, қуйида келтирилган чизмадан фойдаланиб табиий ва сунъий толалар намуналари билан танишинг.

Толалар





Табиий

Кимёвий

Ўсимликлардан олинган

Ҳайвонлардан олинган

Синтетик

Сунъий




21-лаборатория иши
Полимерлар хоссаларини: термопластиклигини, уларга оксидловчилар, ишқорлар, кислоталар эритмаларининг таъсирини ўрганиш
Кутилаётган натижа
Билим: Полимерларнинг хоссаларини ўзлаштирадилар .
Кўникма: Полимерларнинг хоссаларини ифодаловчи тажрибаларни бажаради
Малака: Полимерларни қуйи молекуляр бирикмалардан фарқлайди.
Стаканга полиэтилен парчаси солиб, устига озгина сув қуйинг.

1. 
   Бир бўлак полиэтилен найча ёки (полиэтилен пардадан бошқа) полиэтилендан иборат нарсани асбестланган тўр устига қўйиб эҳтиётлик билан қиздиринг. Шиша таёқча ёрдамида ёрдамида полиэтилен буюмнинг шаклини ўзгартиринг.
   
2. 
   Қиздирилган полиэтиленли тигел қисқич ёрдамида алангага тутиб, уни куйдиринг.
   
3. 
   Бир парча полиэтиленни тигел қисқич ёрдамида алангага тутиб, уни куйдиринг.
   
4. 
   Майда-майда полиэтилен парчаларидан бир нечтасини:
   

А) бромли сув қуйилган пробиркага:
Б) калий пергаманат эритмаси қуйилган пробиркага солинг, иккала пробиркани ичидаги эритмаси билан бирга қиздиринг.
6. Бир неча полиэтилен парчаларини:
А) конс, H₂ S0₄ қуйилган пробиркага:
Б) конц, HN0₃ қуйилган пробиркага:
Д) натрий гидроксиднинг суюлтирилган эритмаси бор пробиркага солинг ва уччала пробиркани қиздиринг.
Хулоса
Хулоса қилиб шуни айтиш керакки, лаборатория машғулотлари кимё фанини чуқур ўзлаштириш, кимёвий ҳодисаларнинг асл моҳиятини билиб олишда асосий восита бўлганлиги сабабли, бундай машғулотларни яхши ўтказишга жиддий эътибор бериш, ўқувчиларнинг амалий ишларни қунт билан онгли равишда бажаришларига эришиш керак. Бунинг учун кимё кабинетини барча зарурий асбоблар, жиҳозлар ва кимёвий реактивлар билан таъминлаш лозим. Бундан ташқари, мактабда кимё кечалари уюштириш, унда сирли бўлиб туюладиган ҳодисаларнинг ечими, мазмуни ва моҳиятини очиб берадиган қизиқарли тажрибаларни бажариб кўрсатиш лозим. Хуллас, лаборатория машғулотини сифатли уюштириш учун ўқитувчи кўп куч ва ижодий меҳнат сарфлаши лозим бўлади. Бу эса ўз навбатида мазкур лаборатория машғулотларини ўтказиш учун мўлжаллаб тузилган махсус қўлланмаларининг бўлиши лозимлигини тақозо этади.
Эътиборингизга ҳавола этилган ушбу лаборатория ишини ўтказиш учун мўлжалланган методик қўлланма, сизга бу ишларни ташкил этиш ва ўтказишингизда яқиндан ёрдам беради.