Shukurullo mardonov umida zokirova

I BO‘LIM. PEDAGOGIKA TARIXI KURSIGA KIRISH. ENG 
KADIMGI DAVRLARDAN VII ASRGACHA TA’LIM-TARBIYA 
VA PEDAGOGIK FIKRLAR
Reja:
1. Pedagogika tarixi fanining predmeti, vazifasi va metodologik 
asosi. 
2. Birinchi prezident I.A.Karimov tarixiy merosdan foydalanish 
haqida. 
3. Eng qadimgi xalq og‘zaki ijodiyoti yodgorliklarida inson 
tarbiyasiga oid fikrlar. 
4. Tarbiya ijtimoiy hodisa sifatida. 
5. Eng qadimgi yozma yodgorliklarda ta’lim-tarbiya masalalari. 
Tayanch tushunchalar: “Pedagogika tarixi”, “Pedagogika tarixi 
pred meti”, “Pedagogika tarixi fanining metodologiyasi”, “Tarixiy me-
ros”, “Avesto”, “Ma’rifiy meros”, “Ma’naviyat”, “Tarixiy xotirasiz - 
kelajak yo‘q”, “Sharq Yevropaning muallimidir”. Tarbiya - ijtimoiy 
ho disa, qadimiy yodgorliklar, qadimiy madaniyat, dastlabki yozuvlar, 
o‘git lar, “Avesto”da axloqiy uchlik, O‘rxun-Enisey yodgorliklari, eng 
qadimgi davrlarda insonda ulug‘langan asosiy hislatlar.
1.1. Pedagogika tarixi fanining predmeti, vazifasi va
metodologik asosi
Ko‘hna Turkiston diyorida istiqomat qilib kelgan barcha xalqlar milliy 
qadryatlarining mustaqillik tufayli qayta tiklanishi va rivojlanishiga 
muyassar bo‘ldi.
Sobiq sho‘ro tuzumi davrida o‘zbek xalqining madaniyati, maorifi, 
ijtimoiy ma’naviy, ma’rifiy sohadagi yutuqlari kamsitilib, asosan 
maorif va madaniyat G’arbda rivojlanib, keyinchalik Sharqqa ta’sir 
etgan degan fikrlar singdirib kelingan edi.
Mutaqilligimiz sharofati shundaki, tarixni buzib ko‘rsatishga chek 
qo‘yildi. Turon zaminida yashagan xalqlarning ma’rifiy-madaniy 
qarashlari eng qadimgi davrdan yuksak ekanligi olimlarimiz tomonidan 

---

7
isbotlab berildi. Uzoq va boy tarixga ega bo‘lgan Markaziy Osiyo xalqlari 
o‘zining ta’lim-tarbiyaga oid ulkan merosini yaratib, takomillashtirib, 
insoniyatning yuzlab avlodlarini insonparvarlik, ilm-parvarlik, mehr-
oqibat, mehnatsevarlik, do‘stlik, sahovat kabi umuminsoniy fazilatlari 
ruxida tarbiyalab kelgan, xalqimiz yaratgan ma’rifiy fikr sarchashmalari 
qadim-qadimlarga borib taqaladi.
O‘zbek xalqi tarixan ta’lim-tarbiya sohasida o‘ziga xos dorilfunun 
yaratgan. Hatto hozirgi o‘zbek xalqi yashab turgan zaminda